Ontok 17 om 18 Gumas 2024, popoindalan Institut Pendidikan Guru Malaysia Kampus Kent, Tuaran di Hari Terbuka Kent: Kent Gemilang i pinaanjur do Jabatan Hal Ehwal Pelajar om Jawatankuasa Perwakilan Pelajar sesi 2024/2025. Program duo tadau diti minamagayat tulun ginumuan maya mogisuusuai abaabayan poinsuang no kopokitanan mantad agensi porinta, kosolimbahan mokiikinobos, om booth dagangon. Sala iso booth id program diti nopo nga booth Kalab Wiki Kent (KWK) i kitudu do manahak kointutunan KWK kumaa tulun ginumuan om toilaan toponsol kokomoi boros om koubasanan Kadazandusun.
Kopoindalanan Program om Abaabayan Booth KWK
Booth KWK diti kitudu montok popointutun goos diolo id manampasi boros Kadazandusun maya kopomogunaan Wiktionary, iso platform komoi boros online. Miampai hontolon popoinggumu dokumentasi boros diti, pinopoindalan KWK do demonstrasi poposuang boros id Wiktionary poinlobi boros id boros Kadazandusun. Abaabayan diti okon nopo ko mamagayat ginawo di mongungupus boros nga mongunsub do mokiikinobos om mondidikot montok maampayat id goos manampasi tinungkusan linguistik sandad.
Suai ko’ demontrasi, pinopotounda KWK do kopokitanan kokomoi goos dokumentasi boros Kadazandusun. Kikosiwatan nogi mondidikot do minsingilo kokomoi platform Wiktionary om poingkuro yolo kaanu monoluod montok popogirot boros om koubasanan sandad id winoun digital.
Kounalan Kopongukaban Booth KWK
Maya booth KWK, kokito tulun ginumuan do kapansalan momogompi boros sandad om momoguno teknologi montok popoimogot dokumentasi boros. Abaabayan kopongukaban booth KWK diti nopo nga iso ralan do mongukab pomusarahan tulun ginumuan poinlobi po sukod wagu montok sumiliu ponungkus do boros tina diti.
Koporomitan di osonong mantad mondidikot id kopoindalan pongukaban booth KWK diti pinopointalang bagas abaabayan diti montok papasarabak rahi sukod wagu do mamagatang om minsingilo miampai aralom boros om koubasanan sondii. Alansan do potilombuson abaabayan miagal diti sabaagi laang momogompi tinungkusan koubasan sandad montok do timpu dumontol.
Ilo Lobi Gumu Kokomoi Kalab Wiki Kent
https://meta.wikimedia.org/wiki/Kelab_Wiki_Kent/en
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation