Niya pä simanäxiwa, Chiquitanía uraqin jakasirinakaw jamuqanak jamuqsus yant’asiwiyapxi, Wuliwyan Wikipirya ch’amachirinakaw uka yant’äwx Jóvenes Chiquitanos Unidos por el Medio Ambiente (JUMA) tamankir wayna tawaqunakan atipt’asipxañapatak wakt’ayawiyapxi, Lomerío Concepción markanakana.
20 jamuqat juk’amp jilampiw uka yant’äwix tukt’ayawiyi, Chiquitanía uraqitx kunaymanaw jamuqt’ata.
San Antonio de Lomerío, Concepción markanakax Santa cruz departamenton jikxatasi, Wuliwya ch’umi uraqina, Markachirinakax jilpachanix jupanakarux nayratpach jakasir markachirjam uñt’apxi, Chiquitanía uraqin jakasirjam uñt’atäpxiwa. Uka uraqinx, payïr juk’amp arsut arux bésiro aruwa, ukhamarus juk’anikiw uka arutx arsusisipkaraki.
Wayna tawaqunakamp maxt’a q’axullanakampix jiwa uraqinaka, phunchhäwinaka, isinaka ukhamanakw Monkox markxatx jamuqsupxatayna ukhamarakiw jakasipki uka uraqin utjki uka juk’amp uñt’at chiqanaks jamuqsupxarakitayna, ukhamatx, chiqpachans, Wikimedia Commonsan utjki uka yatiyäwinak jilxattawiyapxaraki.
Jichhapiniw Chiquitanía uraqit yatiyäwinak apayanipxañapatakix irnaqata, utjawiyki uka luratanakax kusist’ayapxituwa, janiw qawqhas ukakix yäqañakiti jan ukax khithinakatï uka uraqin jakasipki jupanakaw jamuqt’as yatiyanipxi, ukaw qhanancht’añax wakisiraki, jupanakax aka chiqanakaw uñt’ataxa, ukatw yatiyäwinak taypin uñstañapax walïspaxa sasaw ajllt’asiwiyapxaraki. Yaqha arunx, jupanakan arunakaparjamaw irnaqawiyapxi saraksnawa.
Yamakis, ukxarux qawqha jamuqas uñt’ayawiyata (wakiskirikïskiwa) ukaw yäqañax wakisiraki, uka jamuqanakax “Chiquitanía uraqi, Wuliwya” t’aqaruw yapt’awiya, juk’at juk’atw ukanx Wuliwyxatx yatiyäwinakax yapt’atäskaraki, ukhamarus juk’akïskiwa.
Chiquitanían jakasir markax 12 markanw Santa Cruzanx jakasipxaraki, uka departmentonx 56 markaw taqpachax utjarakixa, ukhamax Wuliwya uraqinx uka markankirinakaw walja jaqin markanak taypinx uñstaraki (2012 Mara Marka Jakhthapinx 145.653 jaqiw uka markankirïthw sasin arsuwiyapxaraki).
Ukatw aka wayna tawaqunakan uka uraqitpach yatiyaniñatak irnaqapxatapax wakiskirirakixa, juk’ampis khithinakatï Puqui Cristo Rey ayllun jakasipki jupanakaw irnaqawiyapxixa, Lomerío markana, uka chiqanx janiw llikarux jank’akix mantañjamäkiti, ukhamarus ukhampachas Wikirux jamuqanak apkatt’awiyapxarakiwa.
Wuliwyan Wikimedia ch’amachir tamankirinakax uka uraqiruw purt’awiyapxtha, JUMA tamankir wayna tawaqunakampiw aruskipt’awiyapxtha, Apoyo Para el Campesino indígena del Oriente Bolivia (APCOB) ukankirinakaw ukar sarañatkix jawillt’awiyapxarakitu, jupanakax Wuliwya ch’umi uraqin jakasir markachirinakar arxatt’añatakiw irnaqapxarakixa.
Irnaqañax janiw tukuskiti, arsuwiyatäki ukhamarjamax jichhaw sarantaskañatakikix machaq yanapt’asirinakamp irnaqañ qalltatäski, uka Wuliwya muspharaykir uraqin utjki uka yatiyäwinak utjaskakiwa, ukaw uñt’ayatakïskani.
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation