¿Arst’asktan uka tayka arusax chhaqhtaspa jan ukax chhaqhtañampïspa ukax kunjamäspasa? ¿Ukxat amuyt’apxtati? Wali wakiskir yatiyäwinakaw chhaqhtaspaxa, aka yatiyäwinakan utjki uka amuyunakas ukhamaraki; yamakis jiwasxata, utjäwisxata, markasxata ukan utjki uka sarnaqäwinakas chhaqhtarakispawa.
Niya chika phaxsïxiwa, Atuq Yachachiq jupax qhichwat qillqxatt’at jamuqanakw Wikimedia Commons ukan uñt’ayawiyi, ukampix wali khusa samicht’at jamuqanakampiw qhichwa yatiqt’sna, kunjamas uka arux uks yatintaraksnawa. Wuliwyan irnaqapki uka Wikimedia p’iqicht’irinakaw ukham lurasiñapatakix irnaqawayapxaraki, kunattix Aya Marq’ay Killa sutin tamankirinakaw uka qillqxatt’at jamuqanakx 2021 maran uñt’ayawiyapxäna, ukhamarus janiw taqinir uñt’ayatäkänti.
Qhichwazine pankax 12 janjaniwa, ukanx llikan wali uñt’atäki uka jamuqanakaw jikxatasi (Simpsonanakamp yaqhanakampi), qhichwa marka sarnaqäwinakan utjki uka kasta jaqinakamp uywanakampiw uñsti, qamaqix ukhamawa, qhichwa markanx sallqjam ch’ikhjam uñt’atawa. Akaw juk’amp wakiskirixa: Aka qhichwat qillqt’ata ukhamarak jamuqt’at jisk’a pankx yatichirinakaw jasak yaticht’añatak apnaqapxaspa, khithinakatï qhichwa yaticht’apki jupanaka, khithinakatï Wikipirya uñarktan jan ukax llika uñarktan jiwasas apnaqaraksnawa.
Wuliwyanx, niya 2 waranq waranq jaqiw qhichwa arutx arst’asiñ yatipxi, juk’ampis suni uraqtuquna, ukhamaw yatisiraki.
Qhipa maranakax, aka arump Wuliwyan utjki uka arunakamp jan chhaqhtañapatakiw irnaqawayata, ukhamarus janiw walja luratax utjkiti, juk’ampis yaticht’añ yänakaw jan utjkiti, utjaspa ukax llika uñakipt’irinakax toromona, puquina uka arunakats yaqhanakats yatintapxarakispawa, uka pä arux marka arunakjam uñt’atarakiwa, ukhamarus niyaw chhaqhtasipkaraki, ukhamw Arunakamp Saräwinakamp Yatxatañ Marka Utankirinakax (IPELC) yatiyapxaraki.
2022 maranx, Wuliwyanx sapa patakanitx pä tunka paqallquniw (27%) arunakasat arst’asiñ yatipxi, suxta tunka kimsaniw (63%) kastill rut arst’asipxaraki, ukhamw Jakhthapiñ Marka Utankirinakax yatiyapxarakixa; ukhamïpanx kunayman arut yaticht’añ yänakamp yatichäwinakamp uñt’ayañax uka arunakas jan chhaqhtañapatakix walipinïspawa, jichhakamax arst’asisaw uka arunakax apnaqawayata, ukhamatakw jan chhaqhtawiyapkitixa.+
Akar limxatt’as uka jisk’a pankx apaqt’asim.
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation