Wikiexploración uka sutimpiw Wuliwyan Wikimedia ch’amachirinakax jamuqanak apthapiñatak kunayman wakichäwinak Wuliwya pata uraqin utjki ukxat yatiñatak wakt’ayawiyapxi. Qucha Pampa jach’a markanx Scouts, Polinizar tamankirinakampiw mayacht’asiwiyapxi, jupanakax yapuchäwin uñatatt’asirinakaruw irpnaqañ yatipxaraki, ukham lurasaw jichhax Wikimedia Commons ukanx kunayman jamuqax Wuliwya pata uraqin utjki uka uywanakxata, alinakxata, yapuchäwxata, uñatatt’asirinakar irpnaqañxatx utjxaraki.
2023 maranx, mä tamaw Tunari Jark’aqat Uraqir Scout “Alemán” tamankirinakamp chikt’at uka chiqan utjki ukanak jamuqt’ir sari, Qucha Pampa uraqina. Ukham luratatx, mä pankas samicht’añatak uñstayawiyatarakiwa, Tunari Jark’aqat Uraqin Jakasirinaka sutinirakiwa, uka pankanx uka jark’aqat uraqitx yatiyäwinakax uñt’ayatarakiwa. Aka nayrïr jikthaptäw utjipanw, 2024 maratakix yaqha tamanakamp mayacht’asiñaw amtawiyata, juk’amp Scout tamanakamp Jaqi Arxatäwinak Ch’amachañ 2024 Wiki Yant’äwinkapxañaptaki, jupanakax walja jamuqanak uka jamuq yant’äwitakix apkatt’awiyapxi, juk’ampis Wiki Loves Earth yant’awix utjawiyki ukja, uka atipt’äwimpix niya 500 jamuqanak apthapiwiyapxi. Ukhamatw kunayman Wuliwya Scout tamanakar ch’amacht’añ munapxtha, ukhamat mayacht’asis akham luräwinakamp taqi chiqar aka markanx puriñataki.
2024 maranx, Wuliwyan Wikimedia p’iqichirinakax Polinizar tamankirinakampiw suxta machaq jamuqir ukhamarak yatxatat jamuqir qullqimp yanapt’añatak aruskipt’awiyapxi, khithinakatï Wuliwya uraq jamuqsuñ munapkaspa, wakiskir saräwinak jamuqsuñ munapkaspa jupanakar yanapt’añataki. Chukiyawu departamentonx kimsaniruw uñjir sarapxañapatak phuqhat qullqimp yanapt’awiyata, kimsanirust qullq phuqhacht’asaw yanapt’awiyatarakixa. Akham mayacht’asisaw 70 jamuqax llikar apkatt’asiwiyi, janiw Chukiyawu jamuqanakakxa jan ukax Wuliwypachata.
Aka marax, Wuliwyan Wikimedia p’iqichirinakax aka amtamp sarantañ munasipkakiwa, jutir maranakas ukhamaraki. Jichhakam lurawiyatäki ukanakax wali kusisiñjamawa, Wikipiryans llikans Wuliwyxatx juk’amp yatiyäwinakaw utjxaraki.
Jichhax ajllirt’at jamuqanak uñjt’arakiñäni, Wuliwya Wikimediamp Polinizar tamamp mayacht’asis yanapt’awiyapki taqi jupa jamuqirinakan jamuqanakapawa.
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation