Ontok 20 Milatok 2025, nakalantoi o Kalab Wiki Kent do popoindalan abaabayan Pogiuhupan do Kalab Wiki Malaysia om Kalab Wiki Turkey. Abaabayan diti miagal kasaasari nopo nga id siriba do panapanayan do Tinimungan Komuniti Momoomoguno Wikimedia Malaysia (WCUGM). Abaabayan diti pinoporomut komuniti Wiki ngoduo pogun miampai goos monuat om monginluub rencana Wikipedia kokomoi koubasanan Malaysia om nogi Turkey.
Tudu Abaabayan
Goos pogiuhupan diti kitudu do popointutun koubasanan tikid pogun maya ponginsamakan solobidang koubasanan (silang budaya), di popomilo do koduo-duo komuniti diri do mogiilang pomusarahan di lobi inklusif, holistik om relevan id Wikipedia.
Kokomoi Abaabayan
Pinotimpuun o abaabayan diri miampai sesi pintutunan do tikid kalab pogulu do kopointutunan ohimag mantad di Zahirul Nukman (mongoongobi mantas WCUGM) kokomoi do inisiatif diti. Sesi di piandad-adad nopo nga Editathon id nonggo solinaid do timpu diti, mampayat mantad Malaysia (Kalab Wiki Kent) om Kalab Wiki Turkey momonsoi atikol kokomoi koubasanan id koduo-duo pogun. Id dohuri do abaabayan nopo nga, sesi migambal do ngoduo kalab sabaagi iso kahandaman toomis pogulu i do kopoilaan Editathon di sumusuhut.
Bagas om Lansanon do Abaabayan
Abaabayan diti okon ko nopo popogirot do piromutan do komuniti Wikipedia Malaysia om Turki, nga kaanu nogi mongukab liwang kumaa puruan kalab do mamarati kogingohon koubasanan tikid pogun. Alansan do lobi ogumu kolaborasi miagal diti poindalanon id timpu dobontol montok monginluub po kawagu Wikipedia dotokou do atikol di mogisuusuai.
Ilo’o lobi gumu:
https://meta.m.wikimedia.org/wiki/Kelab_Wiki_Kent/dtp
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation