Kakal nangku do orelevan o broos diti? Poingkuro tokou mamasi do boros diti?
Boros nopo nga okon kakamot komunikasi no, boros nopo nga rusod do isoiso koubasanan. Pinoindalan o Bengkel Wikikamus Etnik Kadazandusun 2025 diti miampai tudu’ di atalang. Ii, nopo nga monginluub tinimungan boros Kadazandusun id winoun do digital. Maya platform Wikikamus, mokiinobos okon ko nopo balajal nga kaanu nogi osili sabaagi monuunuat aparagat montok popoingkawas boros tina diolo.
Nokuro tu oponsol o bengkel diti?
Malup-talup no nangku boros tinaru diti id pialatan do teknologi di muru-buru no?
Montok monimbar do ponguhatan dilo, pinaharo o bengkel diti sabaagi laang proaktif mooi do lobi koburu o boros tina diti om amu odisanan id timpu digital diti. Miampai do kaampayatan di lobi ogumu, kaanu bengkel diti monupu iso arkib boros di lobi poingkaa!
Isai ngawi id dolikud do goos diti?
Bengkel di nakalantoi koindalanan ontok 14 Mansak 2025 (Kurudu) diti amu kanto koindalan sokiro aiso ponguhupan tagayo mantad komitikuasa di kikouhupan tagayo, loolobi po Dr Norafidah binti Noralidin, Pengarah Institut Pondidikan Guru Malaysia Kampus Kent. Ingkaa nogi montok lungkitas-lungkitas Jabatan Boros Kadazandusun di amu tumingkod manahak sokodung diolo.
Boros nopo nga tinungkusan di nuru maan dati tamangai. Sokiro amu tokou kigoos tokou do mononduli om manamong boros diti, isai po? Bengkel diti nopo nga laang timpuunan kumaa kapanamangan om koingkawasan boros Kadazandusun id winoun digital. Alansan do inisiatif diti muru-buru om manahak kosonongon kumaa generasi dobontol.
Iloo’ lobi gumu:
Event:Bengkel Wikikamus Etnik Kadazandusun 2025 – Meta
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation