ꦮꦂꦠꦥꦼꦤ꧀ꦠꦶꦁꦏꦁꦒꦺꦴꦥꦒꦸꦪꦸꦧꦤ꧀ꦮꦶꦏꦶꦩꦺꦢꦶꦪꦒ꧀ꦭꦺꦴꦧꦭ꧀꧇ꦢꦸꦫꦸꦁꦱꦸꦮꦺꦲꦶꦏꦶꦪꦺꦤ꧀ꦱꦩ꧀ꦥꦺꦪꦤ꧀ꦚꦺꦴꦧꦩ꧀ꦧꦼꦱꦸꦠ꧀ꦮꦶꦏꦶꦥꦺꦢꦶꦪꦲꦸꦠꦮꦥꦿꦺꦴꦪꦺꦏ꧀ꦮꦶꦏꦶꦩꦺꦢꦶꦪꦭꦶꦪꦤꦺꦲꦶꦁꦆꦤ꧀ꦢꦺꦴꦤꦺꦱꦶꦪ꧈ꦱꦩ꧀ꦥꦺꦪꦤ꧀ꦧꦺꦴꦏ꧀ꦩꦼꦤꦮꦲꦺꦴꦫꦧꦶꦱꦩ꧀ꦭꦼꦧꦸꦭꦺꦴꦒ꧀꧉ꦱꦩ꧀ꦥꦺꦪꦤ꧀ꦲꦶꦱꦶꦃꦧꦶꦱꦩꦕꦲꦂꦠꦶꦏꦼꦭ꧀ꦮꦶꦏꦶ꧈ꦤꦔꦶꦁꦪꦺꦤ꧀ꦱꦩ꧀ꦥꦺꦪꦤ꧀ꦥꦺꦔꦶꦤ꧀ꦲꦩ꧀ꦭꦼꦧꦸꦭꦺꦴꦒ꧀ꦲꦸꦠꦮꦤ꧀ꦝꦥ꧀ꦠꦂꦲꦏꦸꦤ꧀ꦲꦚꦂ꧈ꦱꦩ꧀ꦥꦺꦪꦤ꧀ꦧꦏꦭ꧀ꦤꦼꦩꦺꦴꦤꦶꦥꦼꦱꦼꦤ꧀ꦏꦪꦲꦶꦁꦔꦶꦱꦺꦴꦂꦲꦶꦏꦶ꧇
ꦲꦸꦠꦮꦥꦼꦱꦼꦤ꧀ꦏꦪꦩꦼꦁꦏꦺꦤꦺ
ꦮꦼꦏ꧀ꦠꦸꦲꦶꦏꦸꦠꦁꦒꦭ꧀꧇꧒꧕꧇ꦥꦺꦧꦿꦸꦮꦫꦶꦏꦶꦫꦏꦶꦫꦗꦩ꧀꧇꧒꧇ꦲꦮꦤ꧀꧈ꦲꦤꦱꦮꦶꦗꦶꦤꦺꦏꦚ꧀ꦕꦮꦶꦏꦶꦱꦶꦁꦔꦧꦫꦶꦲꦏꦸꦲꦩꦂꦒꦝꦺꦮꦺꦏꦼꦤꦼꦩꦺꦴꦤꦶꦉꦫꦶꦧꦼꦢ꧀ꦤꦭꦶꦏꦚꦺꦴꦧꦩ꧀ꦭꦼꦧꦸꦭꦺꦴꦒ꧀ꦩꦼꦚꦁꦱꦭꦃꦱꦮꦶꦗꦶꦤꦺꦥꦿꦺꦴꦪꦺꦏ꧀ꦮꦶꦏꦶ꧈ꦩꦭꦃꦩꦭꦃꦱꦮꦶꦱꦺꦚꦺꦴꦧꦩ꧀ꦭꦼꦧꦸꦭꦺꦴꦒ꧀ꦲꦶꦁꦥꦿꦺꦴꦪꦺꦏ꧀ꦮꦶꦏꦶꦭꦶꦪꦤꦺꦲꦸꦒꦔꦭꦩꦶꦩꦱꦭꦃꦱꦶꦁꦥꦝ꧉ꦲꦏꦸꦏꦤ꧀ꦝꦩꦫꦁꦝꦺꦮꦺꦏꦺꦱꦸꦥꦪꦚꦺꦴꦧꦥꦼꦫꦩ꧀ꦧꦤ꧀ꦭꦶꦪꦤꦺ꧈ꦚꦺꦴꦧꦩ꧀ꦧꦭꦺꦤꦶꦩꦤꦺꦃꦔꦸꦫꦶꦥꦏꦺꦏꦺꦴꦩ꧀ꦥꦸꦠꦼꦂꦱꦏꦮꦶꦮꦶꦠꦤ꧀꧈ꦚꦺꦴꦧꦔꦁꦒꦺꦴꦗꦫꦶꦔꦤ꧀ꦢꦠꦠꦶꦭ꧀ꦥꦸꦤ꧀/ꦮꦶꦥ꦳ꦶꦭꦶꦪꦤꦺ꧈ꦩꦿꦶꦏ꧀ꦱꦲꦥꦲꦁꦏꦗꦩ꧀ꦲꦶꦁꦏꦺꦴꦩ꧀ꦥꦸꦠꦼꦫꦺꦮꦶꦱ꧀ꦧꦼꦤꦼꦂ(ꦲꦩꦂꦒꦲꦶꦏꦶꦲꦤꦱꦼꦱꦩ꧀ꦧꦸꦔꦤꦺꦏꦫꦺꦴꦱꦶꦠꦸꦱ꧀ꦃꦠ꧀ꦠ꧀ꦥ꧀ꦱ꧀)꧈ꦭꦤ꧀ꦚꦺꦴꦧꦱꦶꦠꦸꦱ꧀ꦱꦭꦶꦪꦤꦺꦮꦶꦏꦶ꧉ꦲꦏꦸꦏꦤ꧀ꦝꦪꦺꦤ꧀ꦲꦶꦁꦏꦺꦴꦩ꧀ꦥꦸꦠꦼꦂꦏꦸꦲꦺꦴꦫꦲꦤꦉꦫꦶꦧꦼꦢ꧀꧈ꦏꦧꦺꦃꦱꦶꦠꦸꦱ꧀ꦧꦶꦱꦢꦶꦪꦏ꧀ꦱꦺꦱ꧀ꦏꦤ꧀ꦛꦶꦭꦚ꧀ꦕꦂ;ꦲꦏꦸꦲꦺꦴꦫꦤꦼꦩꦺꦴꦤꦶꦉꦫꦶꦧꦼꦢ꧀ꦧꦧꦂꦥꦶꦱꦤ꧀꧉ꦤꦔꦶꦁ꧈ꦲꦺꦴꦫꦊꦠ꧀ꦱꦸꦮꦺꦲꦏꦸꦚꦺꦴꦧꦩ꧀ꦧꦸꦏꦏ꧀ꦮꦶꦏꦶꦲꦶꦁꦗꦼꦤ꧀ꦝꦼꦭꦥꦿꦶꦧꦝꦶ꧉ꦮꦶꦮꦶꦠ꧀ꦲꦶꦏꦸꦲꦏꦸꦲꦸꦒꦤꦼꦩꦺꦴꦤꦶꦉꦫꦶꦧꦼꦢ꧀ꦏꦁꦥꦝꦏꦪꦱꦶꦁꦢꦶꦪꦭꦩꦶꦏꦚ꧀ꦕꦮꦶꦏꦶꦩꦲꦸ꧉ꦲꦏꦸꦲꦶꦱꦶꦃꦧꦶꦱꦩꦕꦱꦶꦠꦸꦱ꧀ꦮꦶꦏꦶ꧈ꦤꦔꦶꦁꦤꦭꦶꦏꦲꦏꦸꦚꦺꦴꦧꦩ꧀ꦭꦼꦧꦸꦭꦺꦴꦒ꧀꧈ꦏꦕꦲꦚꦂꦏꦧꦸꦏꦏ꧀ꦭꦤ꧀ꦲꦤꦥꦼꦱꦼꦤ꧀ꦱꦶꦁꦤꦸꦢꦸꦲꦏꦺꦪꦺꦤ꧀ꦲꦤꦉꦫꦶꦧꦼꦢ꧀ꦏꦼꦪꦩꦤꦤ꧀꧉ꦲꦶꦏꦶꦲꦺꦴꦫꦱꦧꦲꦺꦤꦺ꧈ꦧꦠꦶꦤ꧀ꦏꦸ꧉
ꦲꦏꦸꦮꦶꦮꦶꦠ꧀ꦠꦏꦺꦴꦤ꧀ꦠꦏꦺꦴꦤ꧀ꦲꦶꦁꦒꦿꦸꦥ꧀ꦮꦶꦏꦶꦏꦸ꧈ꦭꦤ꧀ꦏꦚ꧀ꦕꦮꦶꦏꦶꦱꦶꦁꦠꦏꦺꦴꦤ꧀ꦩꦫꦁꦲꦏꦸꦩꦲꦸꦲꦸꦒꦠꦏꦺꦴꦤ꧀ꦠꦏꦺꦴꦤ꧀ꦲꦶꦁꦒꦿꦸꦥ꧀ꦮꦶꦏꦶꦱꦶꦁꦢꦶꦪꦼꦭꦺꦴꦤꦶ꧉ꦱꦧꦚ꧀ꦗꦸꦫꦺꦲꦶꦏꦸ꧈ꦲꦤꦭꦥꦺꦴꦫꦤ꧀ꦭꦶꦪꦤꦺꦱꦶꦁꦩ꧀ꦭꦼꦧꦸ꧇ꦤꦫꦒꦸꦤꦭꦶꦪꦤꦺꦤꦼꦩꦺꦴꦤꦶꦒꦁꦒꦸꦮꦤ꧀ꦱꦶꦁꦥꦝ꧉ꦲꦤꦺꦃ꧇ꦏꦼꦤꦔꦥ꧈ꦤꦭꦶꦏꦱꦮꦼꦠꦫꦮꦺꦴꦁꦔꦭꦩꦶꦒꦁꦒꦸꦮꦤ꧀꧈ꦤꦁꦥꦁꦒꦺꦴꦤ꧀ꦏꦸꦲꦺꦴꦫꦲꦤꦒꦁꦒꦸꦮꦤ꧀ꦲꦥꦲꦥ?ꦏꦼꦤꦔꦥꦲꦏꦸꦲꦶꦱꦶꦃꦧꦶꦱꦩ꧀ꦧꦼꦱꦸꦠ꧀ꦲꦶꦁꦩꦤꦺꦏꦱꦶꦠꦸꦱ꧀ꦮꦶꦏꦶ?ꦏꦪꦤꦼꦲꦶꦏꦶꦢꦸꦢꦸꦒꦁꦒꦸꦮꦤ꧀ꦱꦏꦥꦼꦭꦢꦺꦤ꧀ꦮꦶꦏꦶꦲꦸꦠꦮ(ꦱ꧀ꦏꦼꦤꦫꦶꦪꦺꦴꦥꦭꦶꦁꦲꦭ)ꦲꦏ꧀ꦱꦺꦱ꧀ꦩꦼꦚꦁꦮꦶꦏꦶꦥꦺꦢꦶꦪꦢꦶꦮꦠꦼꦱꦶ꧉ꦏꦼꦤꦔꦥꦩꦸꦁꦱꦮꦼꦠꦫꦮꦺꦴꦁꦱꦶꦁꦏꦼꦤꦥꦸꦭꦸꦠ꧀꧈ꦭꦤ꧀ꦏꦼꦥꦶꦪꦼꦥꦺꦴꦭꦤꦺ?ꦱ꧀ꦠꦠꦸꦱ꧀ꦮꦶꦏꦶꦩꦺꦢꦶꦪꦲꦸꦒꦲꦺꦴꦫꦤꦸꦢꦸꦲꦏꦺꦲꦤꦤꦶꦁꦉꦫꦶꦧꦼꦢ꧀ꦱꦼꦱꦩ꧀ꦧꦸꦔꦤ꧀ꦏꦫꦺꦴꦥꦼꦭꦢꦺꦤ꧀꧉z
ꦲꦶꦁꦮꦶꦮꦶꦠ꧀꧈ꦲꦏꦸꦲꦶꦱꦶꦃꦩꦲꦶꦢꦺꦴꦭꦤ꧀ꦲꦺꦴꦫꦥꦼꦂꦕꦪꦪꦺꦤ꧀ꦱꦶꦠꦸꦱ꧀ꦮꦶꦏꦶꦢꦶꦮꦠꦼꦱꦶ꧉ꦚꦠꦤꦺ꧈ꦲꦏꦸꦭꦤ꧀ꦱꦮꦼꦠꦫꦤꦫꦒꦸꦤꦭꦶꦪꦤꦺꦲꦶꦱꦶꦃꦧꦶꦱꦩ꧀ꦧꦼꦱꦸꦠ꧀꧉ꦲꦥꦮꦠꦼꦱ꧀ꦲꦶꦏꦸꦲꦩꦸꦁꦢꦶꦠꦿꦥꦏꦺꦠꦸꦩꦿꦥ꧀ꦱꦮꦼꦠꦫꦮꦺꦴꦁ?ꦩꦸꦁISPꦠꦂꦠꦩ꧀ꦠꦸ?
ꦱꦮꦶꦱꦺꦤꦶꦤ꧀ꦢꦏꦏꦺꦏꦺꦴꦲꦺꦴꦂꦢꦶꦤꦱꦶꦱꦱꦸꦮꦺꦤꦺꦱꦗꦩ꧀꧈ꦥꦸꦁꦏꦱꦤꦺꦮꦶꦮꦶꦠ꧀ꦏꦼꦛꦺꦴꦏ꧀ꦲꦥꦱꦶꦁꦱꦚꦠꦏꦺꦏꦼꦢꦢꦺꦤ꧀꧇ꦥꦩꦫꦺꦤ꧀ꦠꦃꦆꦤ꧀ꦢꦺꦴꦤꦺꦱꦶꦪ꧈ꦭꦶꦮꦠ꧀ꦏꦩꦼꦤ꧀ꦠꦿꦶꦪꦤ꧀ꦏꦺꦴꦩꦸꦤꦶꦏꦱꦶ꧈ꦩ꧀ꦧꦠꦼꦱꦶꦲꦏ꧀ꦱꦺꦱ꧀ꦩꦼꦚꦁꦢꦺꦴꦩꦲꦶꦤ꧀ꦎꦠꦼꦤ꧀ꦠꦶꦏꦱꦶꦮꦶꦏꦶꦩꦺꦢꦶꦪ꧉ꦗꦼꦧꦸꦭ꧀ꦥꦚ꧀ꦕꦺꦤ꧀ꦲꦏ꧀ꦱꦺꦱ꧀ꦩꦼꦚꦁꦩ꧀ꦭꦼꦧꦸꦭꦺꦴꦒ꧀ꦲꦶꦁꦱꦶꦠꦸꦱ꧀ꦱꦶꦠꦸꦱ꧀ꦮꦶꦏꦶꦢꦶꦮꦠꦼꦱꦶꦱꦤꦗꦤ꧀ꦲꦺꦴꦫꦏꦧꦺꦃꦱꦶꦠꦸꦱ꧀ꦮꦶꦏꦶꦩꦺꦢꦶꦪ꧈ꦤꦔꦶꦁꦥꦚ꧀ꦕꦺꦤ꧀ꦧꦼꦤꦼꦂꦪꦺꦤ꧀ꦢꦺꦴꦩꦲꦶꦤ꧀ꦎꦠꦼꦤ꧀ꦠꦶꦏꦱꦶꦮꦶꦏꦶꦩꦺꦢꦶꦪꦢꦶꦮꦠꦼꦱꦶꦢꦺꦤꦶꦁꦥꦩꦫꦺꦤ꧀ꦠꦃ꧉
ꦲꦊꦱꦤ꧀ꦏꦼꦤꦔꦥꦏꦼꦢꦢꦺꦤ꧀ꦲꦶꦏꦶꦏꦼꦭꦏꦺꦴꦤ꧀ꦲꦶꦪꦥꦝꦏꦫꦺꦴꦱꦶꦁꦢꦶꦠꦶꦤ꧀ꦢꦏꦏꦺꦲꦶꦁꦱꦶꦠꦸꦱ꧀ꦥꦼꦚꦼꦢꦶꦪꦱꦶꦱ꧀ꦠꦼꦩ꧀ꦲꦺꦭꦺꦏ꧀ꦠꦿꦺꦴꦤꦶꦏ꧀(PSE)ꦭꦶꦪꦤꦺ꧈ꦪꦲꦶꦏꦸꦢꦺꦤꦺꦭꦢꦺꦤꦤꦺ(ꦏꦊꦧꦸWMF)꧈ꦢꦸꦫꦸꦁꦤꦼꦠꦼꦥꦶꦏꦸꦮꦗꦶꦧꦤ꧀ꦤ꧀ꦝꦥ꧀ꦠꦂPSEꦭꦶꦁꦏꦸꦥ꧀ꦥꦿꦶꦧꦝꦶꦏꦪꦱꦶꦁꦮꦶꦱ꧀ꦢꦶꦪꦠꦸꦂꦲꦶꦁꦥꦼꦫꦠꦸꦫꦤ꧀ꦩꦼꦤ꧀ꦠꦼꦫꦶꦏꦺꦴꦩꦸꦤꦶꦏꦱꦶꦤꦺꦴꦩꦺꦴꦂ꧇꧕꧇ꦠꦲꦸꦤ꧀꧇꧒꧐꧒꧐꧇꧉
ꦆꦤ꧀ꦢꦺꦴꦤꦺꦱꦶꦪꦢꦸꦮꦺꦝꦱꦂꦥꦩꦕꦱꦶꦁꦒꦼꦝꦺꦠꦸꦩꦿꦥ꧀ꦱꦶꦠꦸꦱ꧀ꦱꦶꦠꦸꦱ꧀ꦮꦶꦏꦶ꧉ꦮꦶꦏꦶꦥꦺꦢꦶꦪꦧꦱꦆꦤ꧀ꦢꦺꦴꦤꦺꦱꦶꦪꦢꦶꦠꦼꦏꦤꦶ/ꦢꦶꦧꦸꦏꦏ꧀ꦭꦸꦮꦶꦃꦱꦏꦥꦶꦁ꧇꧑꧙꧓꧇ꦪꦸꦠꦱꦧꦼꦤ꧀ꦱꦱꦶꦢꦺꦤꦶꦁꦥꦫꦥꦩꦕꦆꦤ꧀ꦢꦺꦴꦤꦺꦱꦶꦪ꧈ꦢꦺꦤꦺꦮꦶꦏꦶꦥꦺꦢꦶꦪꦧꦱꦲꦶꦁꦒꦿꦶꦱ꧀ꦢꦶꦠꦼꦏꦤꦶꦭꦸꦮꦶꦃꦱꦏꦥꦶꦁ꧇꧕꧘꧇ꦪꦸꦠ꧉ꦲꦶꦏꦶꦢꦸꦫꦸꦁꦏꦊꦧꦸꦱꦶꦠꦸꦱ꧀ꦱꦢꦸꦭꦸꦫꦺ꧈ꦏꦪꦠꦮꦶꦏꦶꦏꦩꦸꦱ꧀꧈ꦮꦶꦏꦶꦱꦸꦩ꧀ꦧꦼꦂ꧈ꦮꦶꦏꦶꦢꦠ꧈ꦭꦤ꧀ꦭꦶꦪꦭꦶꦪꦤꦺ꧉ꦲꦤꦭꦸꦮꦶꦃꦱꦏ꧇꧓꧗꧐꧐꧇ꦤꦫꦒꦸꦤꦮꦶꦏꦶꦲꦏ꧀ꦠꦶꦥ꦳꧀ꦱꦏꦆꦤ꧀ꦢꦺꦴꦤꦺꦱꦶꦪ꧈ꦭꦤ꧀ꦲꦺꦮꦺꦴꦤꦤ꧀ꦤꦫꦒꦸꦤꦭꦶꦪꦤꦺꦱꦶꦁꦏꦝꦁꦏꦭꦩꦺꦭꦸꦩ꧀ꦧꦼꦱꦸꦠ꧀꧉ꦏꦧꦺꦃꦏꦼꦤꦥꦸꦭꦸꦠ꧀ꦮꦠꦼꦱꦤ꧀ꦲꦶꦏꦶ꧉ꦲꦮꦏꦺꦝꦺꦮꦺꦏꦸꦢꦸꦤꦶꦤ꧀ꦢꦏꦏꦺꦏꦺꦴꦤ꧀ꦠꦿꦺꦴꦭ꧀ꦏꦫꦸꦱꦏꦤ꧀꧈ꦲꦁꦒꦶꦠ꧀ꦏꦸ꧉
ꦠꦁꦒꦭ꧀꧇꧒꧕꧇ꦥꦺꦧꦿꦸꦮꦫꦶ꧇꧒꧐꧒꧖꧇ꦲꦸꦢꦏꦫꦗꦩ꧀꧇꧑꧔꧇꧉꧇꧐꧐꧇WIB꧈ꦥꦩꦫꦺꦤ꧀ꦠꦃꦆꦤ꧀ꦢꦺꦴꦤꦺꦱꦶꦪꦭꦶꦮꦠ꧀ꦏꦩꦼꦤ꧀ꦠꦿꦶꦪꦤ꧀ꦏꦺꦴꦩꦸꦤꦶꦏꦱꦶꦢꦢꦶꦤꦼꦒꦫꦏꦥꦶꦱꦤ꧀ꦲꦶꦁꦢꦺꦴꦚꦱꦶꦁꦩ꧀ꦧꦠꦼꦱꦶꦲꦏ꧀ꦱꦺꦱ꧀ꦥꦫꦥꦩ꧀ꦧꦼꦱꦸꦠ꧀ꦮꦶꦏꦶꦱꦿꦤꦩ꧀ꦧꦠꦼꦱꦶꦲꦏ꧀ꦱꦺꦱ꧀ꦲꦶꦁꦢꦺꦴꦩꦲꦶꦤ꧀ꦎꦠꦺꦤ꧀ꦠꦶꦏꦱꦶꦮꦶꦏꦶꦩꦺꦢꦶꦪ꧉
ꦥꦫꦥꦤꦠꦮꦶꦏꦶꦥꦺꦢꦶꦪꦆꦤ꧀ꦢꦺꦴꦤꦺꦱꦶꦪ(WBI)ꦲꦸꦒꦧꦚ꧀ꦗꦸꦂꦥꦢꦲꦸꦧꦾꦼꦏ꧀ꦚꦼꦧꦫꦏꦺꦲꦶꦤ꧀ꦥ꦳ꦺꦴꦂꦩꦱꦶꦲꦶꦏꦶꦲꦶꦁꦩꦤꦺꦏꦱꦭꦸꦫꦤ꧀꧉ꦔꦧꦫꦏꦺꦠꦸꦩꦿꦥ꧀ꦥꦒꦸꦪꦸꦧꦤ꧀ꦥꦒꦸꦪꦸꦧꦤ꧀ꦮꦶꦏꦶ꧈WMF꧈ꦭꦤ꧀WMID꧉ꦥꦫꦲꦁꦒꦺꦴꦠꦥꦒꦸꦪꦸꦧꦤ꧀ꦮꦶꦏꦶꦫꦢꦧꦶꦔꦸꦁꦏꦫꦺꦴꦲꦤꦤꦺꦲꦏ꧀ꦱꦺꦱ꧀ꦏꦁꦢꦶꦮꦠꦼꦱꦶꦲꦶꦏꦶ꧈ꦱꦁꦱꦪꦩꦤꦺꦃꦏꦼꦢꦢꦺꦪꦤ꧀ꦲꦶꦏꦶꦤ꧀ꦢꦢꦏ꧀ꦧꦔꦼꦠ꧀꧉ꦎꦠꦺꦤ꧀ꦠꦶꦏꦱꦶꦤꦫꦒꦸꦤꦔꦼꦂꦠꦶꦔꦼꦂꦠꦶꦢꦶꦥꦼꦝꦺꦴꦠ꧀꧉ꦏꦼꦤꦔꦥꦲꦺꦴꦫꦱꦶꦠꦸꦱ꧀ꦮꦶꦏꦶꦱꦶꦁꦢꦶꦮꦠꦼꦱꦶ?ꦪꦺꦤ꧀ꦏꦪꦔꦺꦴꦤꦺꦴ꧈ꦲꦮꦏꦺꦝꦺꦮꦺꦧꦺꦴꦏ꧀ꦩꦼꦤꦮꦧꦶꦱꦔꦼꦂꦠꦺꦤꦶꦲꦩꦂꦒꦮꦶꦱ꧀ꦏꦿꦸꦔꦸꦪꦺꦤ꧀ꦥꦩꦫꦺꦤ꧀ꦠꦃꦔꦚ꧀ꦕꦼꦩ꧀ꦱꦸꦥꦪꦲꦺꦁꦒꦭ꧀ꦲꦤ꧀ꦝꦥ꧀ꦠꦂPSEꦮꦶꦮꦶꦠ꧀ꦤꦺꦴꦥꦺꦩ꧀ꦧꦼꦂ꧇꧒꧐꧒꧕꧇꧉ꦤꦔꦶꦁꦏꦼꦤꦔꦥꦩꦸꦁꦎꦠꦺꦤ꧀ꦠꦶꦏꦱꦶꦱꦶꦁꦢꦶꦮꦠꦼꦱꦶ?ꦥꦫꦤꦫꦒꦸꦤꦢꦢꦶꦧꦶꦔꦸꦁꦏꦧꦺꦃ꧈ꦲꦺꦴꦫꦩꦸꦝꦼꦁꦏꦼꦥꦶꦪꦺꦱꦼꦗꦠꦶꦤꦺꦱꦶꦁꦏꦼꦭꦏꦺꦴꦤ꧀꧉
ꦔꦤ꧀ꦠꦶꦧꦼꦔꦶ꧈ꦥꦫꦤꦫꦒꦸꦤꦮꦶꦮꦶꦠ꧀ꦔꦿꦸꦩꦁꦱꦤꦶꦪꦺꦤ꧀ꦥꦿꦏꦫꦲꦶꦏꦶꦮꦶꦒꦠꦶꦠꦼꦤꦤ꧀꧉ꦱꦲꦶꦏꦶ꧈ꦏꦩꦼꦤ꧀ꦠꦿꦶꦪꦤ꧀ꦏꦺꦴꦩꦸꦤꦶꦏꦱꦶꦲꦺꦴꦫꦒꦼꦊꦩ꧀ꦢꦶꦒꦩ꧀ꦥꦔꦏꦺꦲꦸꦠꦮꦔꦚ꧀ꦕꦼꦩ꧀ꦠꦤ꧀ꦥꦲꦊꦱꦤ꧀꧉ꦝꦺꦮꦺꦏꦺꦮꦶꦮꦶꦠ꧀ꦠꦸꦩꦶꦤ꧀ꦢꦏ꧀ꦩꦫꦁꦱꦶꦠꦸꦱ꧀(ꦏꦊꦧꦸWMF)ꦱꦶꦁꦢꦸꦫꦸꦁꦤ꧀ꦝꦥ꧀ꦠꦂPSE꧈ꦭꦤ꧀ꦲꦺꦴꦫꦩꦔꦸꦩꦔꦸꦲꦁꦒꦺꦴꦤꦺꦩꦺꦤꦺꦲꦶꦲꦸꦏꦸꦩꦤ꧀ꦠꦸꦩꦿꦥ꧀ꦆꦤ꧀ꦱ꧀ꦠꦶꦠꦸꦱꦶꦱꦶꦁꦲꦺꦴꦫꦒꦼꦊꦩ꧀ꦲꦤ꧀ꦝꦥ꧀ꦠꦂ꧉ꦩ꧀ꦭꦶꦒꦶꦤꦺꦥꦲꦸꦏꦸꦩꦤ꧀ꦩꦫꦁWMF꧈ꦩꦭꦃꦤꦫꦒꦸꦤꦮꦶꦏꦶꦆꦤ꧀ꦢꦺꦴꦤꦺꦱꦶꦪꦱꦶꦁꦢꦢꦶꦱꦱꦫꦤ꧀꧉
ꦤꦭꦶꦏꦲꦶꦏꦸ꧈ꦥꦫꦥꦤꦠꦩꦸꦁꦧꦶꦱꦩ꧀ꦧꦒꦺꦏꦏꦺꦲꦶꦤ꧀ꦥ꦳ꦺꦴꦂꦩꦱꦶꦩꦫꦁꦥꦒꦸꦪꦸꦧꦤ꧀ꦮꦶꦏꦶꦆꦤ꧀ꦢꦺꦴꦤꦺꦱꦶꦪꦧꦧꦒꦤ꧀ꦕꦫꦔ꧀ꦒꦸꦤꦏꦏꦺVPNꦱꦸꦥꦪꦠꦼꦠꦼꦥ꧀ꦧꦶꦱꦩ꧀ꦭꦼꦧꦸꦱꦶꦠꦸꦱ꧀ꦮꦶꦏꦶ꧉ꦲꦮꦏꦺꦝꦺꦮꦺꦏꦧꦺꦃꦥꦝꦱꦶꦪꦒꦔꦝꦼꦥꦶꦏꦱꦸꦚꦠꦤ꧀ꦩꦼꦤꦮꦧꦏꦭ꧀ꦢꦶꦮꦠꦼꦱꦶꦔꦤ꧀ꦠꦶꦥꦶꦫꦁꦥꦶꦫꦁꦩꦶꦁꦒꦸ꧈ꦲꦸꦠꦮꦩꦭꦃꦥꦶꦫꦁꦥꦶꦫꦁꦮꦸꦭꦤ꧀꧉
ꦲꦥꦱꦶꦁꦱꦚꦠꦤꦺꦏꦼꦢꦢꦺꦤ꧀?
ꦲꦮꦏꦺꦝꦺꦮꦺꦥꦽꦭꦸꦤꦼꦫꦔꦏꦺꦲꦶꦁꦮꦶꦮꦶꦠꦤ꧀(ꦲꦸꦠꦩꦤꦺꦏꦁꦒꦺꦴꦥꦫꦗꦸꦫꦸꦮꦂꦠꦭꦤ꧀ꦮꦺꦴꦁꦮꦺꦴꦁꦱꦶꦁꦲꦺꦴꦫꦥꦠꦶꦩꦸꦝꦼꦁꦧꦧꦒꦤ꧀ꦠꦺꦏ꧀ꦤꦺꦴꦭꦺꦴꦒꦶꦲꦸꦠꦮꦲꦺꦴꦫꦩꦸꦝꦼꦁꦠꦠꦕꦫꦤꦺꦱꦶꦠꦸꦱ꧀ꦮꦶꦏꦶꦩꦺꦢꦶꦪ)꧇ꦢꦸꦢꦸꦮꦶꦏꦶꦥꦺꦢꦶꦪꦱꦶꦁꦢꦶꦮꦠꦼꦱꦶ꧈ꦤꦔꦶꦁꦲꦏ꧀ꦱꦺꦱ꧀ꦩꦼꦚꦁꦱꦸꦧ꧀ꦢꦺꦴꦩꦲꦶꦤ꧀ꦱꦶꦁꦤꦔꦤꦶ꧇
- ꦩ꧀ꦭꦼꦧꦸꦭꦺꦴꦒ꧀ꦤꦫꦒꦸꦤ(ꦭꦺꦴꦒꦶꦤ꧀)ꦲꦶꦁ꧇꧗꧕꧐꧇+ꦥꦿꦺꦴꦪꦺꦏ꧀ꦮꦶꦏꦶ
- ꦥꦼꦤ꧀ꦝꦥ꧀ꦠꦫꦤ꧀ꦲꦏꦸꦤ꧀ꦲꦚꦂ(ꦫꦺꦒꦶꦱ꧀ꦠꦿꦱꦶ)
- ꦎꦠꦺꦤ꧀ꦠꦶꦏꦱꦶꦥꦶꦫꦤ꧀ꦠꦶꦥꦶꦲꦏ꧀ꦏꦼꦠꦼꦭꦸꦱꦶꦁꦔ꧀ꦒꦸꦤꦏꦏꦺꦎꦠꦼꦤ꧀ꦠꦶꦏꦱꦶꦮꦶꦏꦶꦩꦺꦢꦶꦪ꧉
ꦮꦶꦏꦶꦥꦺꦢꦶꦪꦲꦶꦱꦶꦃꦧꦶꦱꦢꦶꦪꦏ꧀ꦱꦺꦱ꧀꧈ꦢꦶꦮꦕ꧈ꦭꦤ꧀ꦢꦶꦧꦼꦱꦸꦠ꧀ꦠꦤ꧀ꦥꦩ꧀ꦭꦼꦧꦸꦭꦺꦴꦒ꧀(ꦲꦤꦺꦴꦤꦶꦩ꧀)꧉ꦤꦔꦶꦁꦥꦔꦁꦒꦺꦴꦤꦺꦢꦶꦮꦠꦼꦱꦶ꧉ꦏꦪꦥꦼꦂꦥꦸꦱ꧀ꦠꦏꦲꦤ꧀ꦱꦶꦁꦔꦶꦢꦶꦤꦶꦮꦺꦴꦁꦩꦕꦧꦸꦏꦸ꧈ꦤꦔꦶꦁꦔ꧀ꦭꦫꦁꦱꦥꦮꦲꦺꦤꦸꦭꦶꦱ꧀ꦧꦸꦏꦸꦲꦚꦂ(ꦏꦗꦧꦠꦤ꧀ꦥꦗꦼꦤꦼꦁ/ꦲꦤꦺꦴꦤꦶꦩ꧀)꧉
ꦏꦼꦤꦔꦥꦥꦿꦏꦫꦲꦶꦏꦶꦮꦶꦒꦠꦶ?
ꦠꦁꦒꦭ꧀꧇꧙꧇ꦩꦉꦠ꧀꧈ꦥꦒꦸꦪꦸꦧꦤ꧀ꦥꦒꦸꦪꦸꦧꦤ꧀ꦮꦶꦏꦶꦲꦶꦁꦆꦤ꧀ꦢꦺꦴꦤꦺꦱꦶꦪꦤꦸꦢꦸꦲꦏꦺꦱꦶꦏꦼꦥ꧀ꦱꦿꦤꦠꦼꦠꦼꦩ꧀ꦧꦸꦔꦤ꧀ꦱꦶꦁꦤꦼꦫꦔꦏꦺꦢꦩ꧀ꦥꦏ꧀ꦲꦩꦂꦒꦲꦏ꧀ꦱꦺꦱ꧀ꦱꦶꦁꦢꦶꦮꦠꦼꦱꦶꦲꦶꦏꦶ꧇
- ꦲꦩꦂꦒꦲꦏ꧀ꦱꦺꦱ꧀ꦏꦁꦢꦶꦧꦠꦼꦱꦶꦲꦶꦏꦶ꧈ꦥꦫꦤꦫꦒꦸꦤꦮꦶꦏꦶ(ꦮꦶꦏꦶꦩꦺꦢꦶꦪꦮꦤ꧀)ꦏꦔꦼꦭꦤ꧀ꦲꦁꦒꦺꦴꦤꦺꦲꦉꦥ꧀ꦤꦩ꧀ꦧꦲꦶꦏꦠꦿꦔꦤ꧀ꦲꦶꦁꦲꦂꦠꦶꦏꦼꦭ꧀ꦮꦶꦏꦶꦥꦺꦢꦶꦪꦭꦤ꧀ꦧꦸꦢꦶꦢꦪꦱꦸꦥꦪꦲꦂꦠꦶꦏꦼꦭ꧀ꦲꦶꦏꦸꦠꦼꦠꦼꦥ꧀ꦩꦶꦠꦪꦤꦶ꧉
- ꦲꦩꦂꦒꦲꦏ꧀ꦱꦺꦱ꧀ꦥꦼꦤ꧀ꦝꦥ꧀ꦠꦫꦤ꧀ꦢꦶꦧꦠꦼꦱꦶ꧈ꦥꦫꦤꦫꦒꦸꦤꦲꦚꦂꦏꦔꦼꦭꦤ꧀ꦲꦁꦒꦺꦴꦤꦺꦩ꧀ꦧꦒꦺꦏꦏꦺꦏꦮꦿꦸꦲꦺ꧉
- ꦲꦩꦂꦒꦲꦏ꧀ꦱꦺꦱ꧀ꦢꦶꦧꦠꦼꦱꦶ꧈ꦥꦫꦥꦶꦤꦸꦠꦸꦂꦗꦠꦶꦧꦱꦧꦱꦢꦲꦼꦫꦃꦲꦶꦁꦆꦤ꧀ꦢꦺꦴꦤꦺꦱꦶꦪꦏꦔꦼꦭꦤ꧀ꦲꦁꦒꦺꦴꦤꦺꦲꦉꦥ꧀ꦤꦸꦭꦶꦱ꧀ꦭꦤ꧀ꦔꦸꦫꦶꦲꦸꦫꦶꦧꦱꦧꦧꦺꦴꦤꦺ꧉ꦲꦶꦏꦶꦧꦏꦭ꧀ꦲꦤ꧀ꦢꦢꦼꦏꦏꦺꦥꦶꦤꦸꦠꦸꦂꦧꦱꦢꦲꦼꦫꦃꦲꦶꦁꦆꦤ꧀ꦢꦺꦴꦤꦺꦱꦶꦪꦱꦁꦱꦪꦱꦸꦢꦭꦤ꧀ꦩꦭꦃꦩꦭꦃꦧꦶꦱꦲꦶꦭꦁꦧꦧꦂꦥꦶꦱꦤ꧀꧉
ꦠꦤ꧀ꦥꦧꦫꦶꦱꦤ꧀ꦤꦫꦭꦶꦭꦱꦶꦁꦒꦸꦩꦽꦒꦸꦠ꧀ꦲꦁꦒꦺꦴꦤꦺꦩ꧀ꦧꦼꦱꦸꦠ꧀꧈ꦱꦥꦱꦶꦁꦧꦏꦭ꧀ꦚ꧀ꦗꦒꦏ꧀ꦮꦭꦶꦠꦺꦠ꧀ꦮꦶꦏꦶ꧈ꦤ꧀ꦢꦤ꧀ꦢꦤꦶꦮ꦳ꦤ꧀ꦢꦭꦶꦱ꧀ꦩꦼ꧈ꦭꦤ꧀ꦤꦩ꧀ꦧꦃꦏꦠꦿꦔꦤ꧀ꦲꦂꦠꦶꦏꦼꦭ꧀(ꦲꦶꦁWBIꦮꦲꦼꦲꦤꦭꦸꦮꦶꦃꦱꦏ꧇꧗꧖꧓꧇꧉꧇꧐꧐꧐꧇ꦲꦂꦠꦶꦏꦼꦭ꧀)?ꦱꦥꦱꦶꦁꦧꦏꦭ꧀ꦤꦸꦭꦶꦱ꧀ꦲꦂꦠꦶꦏꦼꦭ꧀ꦧꦧꦒꦤ꧀ꦮꦂꦠꦲꦚꦂ꧈ꦥꦼꦫꦁꦲꦶꦿꦤ꧀꧈ꦧꦼꦂꦏꦱ꧀ꦌꦥ꧀ꦱ꧀ꦠꦼꦲꦶꦤ꧀꧈ꦭꦤ꧀ꦮꦫꦮꦫꦠꦺꦴꦏꦺꦴꦃꦱꦶꦁꦭꦒꦶꦮꦲꦺꦱꦺꦢ?ꦱꦥꦱꦶꦁꦧꦏꦭ꧀ꦔꦸꦁꦒꦃꦧꦼꦂꦏꦱ꧀ꦧꦧꦒꦤ꧀ꦆꦤ꧀ꦢꦺꦴꦤꦺꦱꦶꦪꦱꦂꦠꦚꦸꦩ꧀ꦧꦁꦭꦤ꧀ꦩꦺꦤꦺꦲꦶꦏꦮꦿꦸꦃꦩꦶꦠꦸꦫꦸꦠ꧀ꦥꦩꦶꦏꦶꦫꦤ꧀/ꦥꦚꦮꦁꦱꦏꦆꦤ꧀ꦢꦺꦴꦤꦺꦱꦶꦪꦲꦶꦁꦱꦶꦠꦸꦱ꧀ꦮꦶꦏꦶꦒ꧀ꦭꦺꦴꦧꦭ꧀ꦏꦪꦠꦮꦶꦏꦶꦥꦺꦢꦶꦪꦆꦁꦒꦿꦶꦱ꧀꧈ꦩꦼꦠꦮꦶꦏꦶ꧈ꦭꦤ꧀ꦮꦶꦏꦶꦢꦠ?ꦱꦥꦱꦶꦁꦧꦏꦭ꧀ꦤꦼꦫꦸꦱꦏꦺꦥꦿꦺꦴꦪꦺꦏ꧀ꦧꦱꦢꦲꦺꦫꦃꦱꦶꦁꦲꦶꦱꦶꦃꦲꦤꦲꦶꦁꦆꦤ꧀ꦏꦸꦧꦠꦺꦴꦂ?
ꦢꦩ꧀ꦥꦏ꧀ꦥꦭꦶꦁꦒꦼꦝꦺꦲꦶꦁꦱꦱꦶꦱꦱꦶꦔꦉꦥ꧀ꦱꦗꦿꦺꦴꦤꦺꦮꦠꦼꦱꦤ꧀ꦲꦶꦏꦶꦲꦶꦱꦶꦃꦢꦶꦠꦿꦥꦏꦺꦧꦏꦭ꧀ꦢꦶꦫꦱꦏꦏꦺꦮꦺꦴꦁꦮꦺꦴꦁꦱꦶꦁꦢꦸꦮꦺꦏꦥꦽꦢꦸꦊꦤ꧀ꦠꦸꦩꦿꦥ꧀ꦲꦸꦥꦏꦫꦤꦺꦮꦶꦏꦶꦩꦺꦢꦶꦪꦚꦼꦁꦏꦸꦪꦸꦁꦭꦤ꧀ꦔꦿꦁꦏꦸꦭ꧀ꦮꦺꦴꦁꦲꦏꦺꦃꦲꦶꦁꦱꦲꦶꦤ꧀ꦢꦼꦔꦶꦁꦗꦒꦢ꧀ꦲꦩꦂꦒꦥꦿꦺꦴꦪꦺꦏ꧀ꦮꦶꦏꦶꦩꦺꦢꦶꦪꦩꦶꦤꦁꦏꦱꦭꦃꦱꦮꦶꦗꦶꦤꦺꦩꦺꦢꦶꦪꦱꦶꦁꦥꦽꦢꦸꦭꦶꦏꦫꦺꦴꦱꦢꦺꦔꦃꦲꦸꦥꦏꦫꦏꦁꦒꦺꦴꦔ꧀ꦭꦼꦱ꧀ꦠꦫꦺꦏꦏꦺꦭꦸꦮꦶꦃꦱꦏ꧇꧗꧐꧐꧇ꦧꦱꦢꦲꦼꦫꦃꦲꦶꦁꦆꦤ꧀ꦢꦺꦴꦤꦺꦱꦶꦪ꧉ꦱꦼꦗꦠꦶꦤꦺꦥꦫꦤꦫꦒꦸꦤꦮꦶꦏꦶ(ꦮꦶꦏꦶꦩꦺꦢꦶꦪꦮꦤ꧀)ꦲꦺꦴꦫꦩꦸꦁꦤꦸꦭꦶꦱ꧀ꦲꦂꦠꦶꦏꦼꦭ꧀ꦮꦶꦏꦶꦥꦺꦢꦶꦪ꧈ꦤꦔꦶꦁꦲꦸꦒꦤ꧀ꦢꦺꦴꦏꦸꦩꦼꦤ꧀ꦠꦱꦺꦏꦏꦺꦧꦱꦤꦺ꧉ꦝꦺꦮꦺꦏꦺꦤꦶꦤ꧀ꦢꦏꦏꦺꦢꦶꦒꦶꦠꦭꦶꦱꦱꦶꦤꦱ꧀ꦏꦃ꧈ꦧꦸꦏꦸ꧈ꦢꦺꦴꦏꦸꦩꦼꦤ꧀꧈ꦭꦤ꧀ꦥꦿꦺꦴꦢꦸꦏ꧀ꦲꦸꦏꦸꦩ꧀꧉ꦝꦺꦮꦺꦏꦺꦚꦸꦱꦸꦤ꧀ꦧꦲꦸꦱꦱ꧀ꦠꦿꦧꦱꦢꦲꦼꦫꦃꦱꦶꦁꦥꦭꦶꦁꦗꦁꦏꦼꦥ꧀꧉ꦝꦺꦮꦺꦏꦺꦔꦸꦩ꧀ꦥꦸꦭꦏꦺꦱꦗꦫꦃꦭꦶꦱꦤ꧀꧈ꦔ꧀ꦭꦼꦱ꧀ꦠꦫꦺꦏꦏꦺꦏꦮꦿꦸꦃꦧꦸꦢꦪꦱꦶꦁꦲꦺꦴꦫꦲꦤꦲꦶꦁꦥꦥꦤ꧀ꦭꦶꦪ꧉
ꦤꦭꦶꦏꦮꦠꦼꦱ꧀ꦲꦶꦏꦸꦩꦸꦁꦩꦶꦏꦶꦫꦏꦺꦕꦫꦱꦸꦥꦪꦥꦫꦥꦼꦩ꧀ꦧꦼꦱꦸꦠ꧀ꦏꦔꦼꦭꦤ꧀ꦲꦁꦒꦺꦴꦤꦺꦩ꧀ꦧꦼꦱꦸꦠ꧀/ꦲꦮꦺꦃꦥꦚꦸꦩ꧀ꦧꦁ꧈ꦲꦸꦤ꧀ꦝꦸꦃꦲꦸꦤ꧀ꦝꦸꦲꦤ꧀ꦱꦶꦁꦲꦺꦴꦫꦭꦁꦱꦸꦁꦢꦶꦫꦱꦏꦏꦺꦪꦲꦶꦏꦸꦩꦤꦼꦏꦧꦱꦲꦶꦁꦲꦶꦤ꧀ꦢꦺꦴꦤꦼꦱꦶꦪꦱꦁꦱꦪꦕꦼꦥꦼꦠ꧀ꦲꦶꦭꦁ꧉
ꦲꦥꦱꦶꦁꦮꦶꦱ꧀ꦢꦶꦠꦶꦤ꧀ꦢꦏꦏꦺꦥꦒꦸꦪꦸꦧꦤ꧀?
ꦥꦒꦸꦪꦸꦧꦤ꧀ꦮꦶꦏꦶꦩꦺꦢꦶꦪꦮꦤ꧀ꦲꦶꦁꦆꦤ꧀ꦢꦺꦴꦤꦺꦱꦶꦪꦲꦺꦴꦫꦩꦼꦤꦼꦁꦮꦲꦼꦤꦁꦒꦼꦥꦶꦥꦿꦏꦫꦲꦶꦏꦶ꧉ꦠꦼꦠꦼꦩ꧀ꦧꦸꦔꦤ꧀ꦉꦱ꧀ꦩꦶꦥꦒꦸꦪꦸꦧꦤ꧀ꦲꦶꦏꦸꦩꦲꦸꦔꦼꦩꦺꦴꦠ꧀ꦥꦚ꧀ꦗꦭꦸꦏ꧀ꦱꦶꦁꦕꦼꦛꦩꦫꦁꦏꦼꦩꦼꦤ꧀ꦠꦼꦫꦶꦪꦤ꧀ꦏꦺꦴꦩꦸꦤꦶꦏꦱꦶ꧇
ꦔꦤ꧀ꦠꦶꦧ꧀ꦭꦺꦴꦒ꧀ꦲꦶꦏꦶꦢꦶꦠꦸꦭꦶꦱ꧀꧈ꦥꦼꦠꦶꦱꦶꦲꦶꦏꦶꦮꦶꦱ꧀ꦢꦶꦠꦤ꧀ꦢꦠꦔꦤꦶꦢꦼꦤꦶꦁꦭꦸꦮꦶꦃꦱꦏ꧇꧑꧐꧇ꦲꦺꦮꦸꦤꦫꦒꦸꦤ(5%ꦲꦶꦱꦶꦃꦧꦶꦱꦩ꧀ꦭꦼꦧꦸꦭꦺꦴꦒ꧀ꦱꦿꦤꦩꦤꦺꦏꦕꦫ꧈ꦱꦶꦱꦤꦺꦩꦶꦭꦶꦃꦔꦏ꧀ꦱꦺꦱ꧀ꦱꦕꦫꦲꦤꦺꦴꦤꦶꦩ꧀ꦲꦩꦂꦒꦲꦏ꧀ꦱꦺꦱ꧀ꦏꦁꦢꦶꦮꦠꦼꦱꦶꦲꦶꦏꦶ)꧉ꦠꦒꦂꦏꦩ꧀ꦥꦚꦼ#AkuWikipediaꦲꦸꦒꦮꦶꦱ꧀ꦮꦶꦮꦶꦠ꧀ꦔꦸꦩꦤ꧀ꦝꦁꦲꦶꦁꦩꦺꦢꦶꦪꦱꦺꦴꦱꦶꦪꦭ꧀꧉ꦒꦸꦤꦏ꧀ꦤꦠꦒꦂꦲꦶꦏꦶꦢꦶꦁꦒꦺꦴꦤꦸꦢꦸꦲꦏꦺꦕꦿꦶꦠꦱꦩ꧀ꦥꦺꦪꦤ꧀ꦱꦗꦿꦺꦴꦤꦺꦩ꧀ꦧꦒꦺꦏꦏꦺꦏꦮꦿꦸꦃꦱꦿꦤꦱꦶꦠꦸꦱ꧀ꦱꦶꦠꦸꦱ꧀ꦮꦶꦏꦶꦩꦺꦢꦶꦪ꧉ꦲꦗꦭꦭꦶꦤꦤ꧀ꦝꦤꦶ@kemkomdigiꦭꦤ꧀@idwiki꧉ꦲꦤꦏ꧀ꦤꦉꦩ꧀ꦧꦸꦒꦤ꧀ꦧꦧꦒꦤ꧀ꦥꦿꦏꦫꦲꦶꦏꦶꦲꦶꦁꦥꦒꦸꦪꦸꦧꦤ꧀ꦥꦒꦸꦪꦸꦧꦤ꧀ꦱꦩ꧀ꦥꦺꦪꦤ꧀꧉ꦱꦁꦱꦪꦲꦏꦺꦃꦮꦺꦴꦁꦱꦶꦁꦔꦽꦩ꧀ꦧꦸꦒ꧀ꦧꦧꦒꦤ꧀ꦲꦶꦏꦶ꧈ꦱꦁꦱꦪꦲꦔꦺꦭ꧀ꦥꦩꦿꦺꦤ꧀ꦠꦃꦧꦶꦱꦩꦼꦤꦼꦁꦭꦤ꧀ꦲꦺꦴꦫꦤꦁꦒꦼꦥꦶꦥꦼꦠꦶꦱꦶꦲꦶꦏꦶ꧉
ꦥꦸꦁꦏꦱꦤꦺꦉꦩ꧀ꦧꦸꦒ꧀꧈ꦏꦪꦱꦶꦁꦏꦠꦸꦭꦶꦱ꧀ꦲꦶꦁꦏꦕꦠꦼꦠꦼꦩ꧀ꦧꦸꦔꦤ꧀ꦏꦁꦤꦸꦢꦸꦲꦏꦺꦱꦶꦏꦼꦥ꧀꧇ꦲꦏ꧀ꦱꦺꦱ꧀ꦥꦼꦤ꧀ꦝꦥ꧀ꦠꦫꦤ꧀ꦭꦤ꧀ꦲꦩ꧀ꦭꦼꦧꦸꦭꦺꦴꦒ꧀ꦩꦼꦚꦁꦢꦺꦴꦩꦲꦶꦤ꧀ꦎꦠꦼꦤ꧀ꦠꦶꦏꦱꦶꦮꦶꦏꦶꦩꦺꦢꦶꦪꦱꦶꦁꦢꦶꦮꦠꦼꦱꦶꦲꦶꦏꦶꦩꦸꦁꦩ꧀ꦧꦠꦼꦱꦶꦏꦩꦂꦝꦶꦏꦤ꧀ꦮꦶꦏꦶꦩꦺꦢꦶꦪꦮꦤ꧀ꦆꦤ꧀ꦢꦺꦴꦤꦺꦱꦶꦪꦲꦁꦒꦺꦴꦤꦺꦩ꧀ꦧꦼꦧꦱꦏꦺꦏꦮꦿꦸꦃꦭꦤ꧀ꦲꦺꦴꦫꦩꦺꦤꦺꦲꦶꦩꦤ꧀ꦥꦔꦠ꧀ꦲꦥꦲꦥꦏꦁꦒꦺꦴꦥꦫꦥꦩꦕꦲꦶꦁꦆꦤ꧀ꦢꦺꦴꦤꦺꦱꦶꦪ꧉
ꦲꦶꦏꦸꦏꦸꦢꦸꦤꦺꦢꦢꦶꦥꦿꦏꦫꦏꦁꦮꦶꦒꦠꦶꦏꦁꦒꦺꦴꦲꦮꦏꦺꦝꦺꦮꦺꦏꦧꦺꦃ꧉
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation