Сіз үшін “біз қалайтын интернет” нені білдіреді? Осы уақытқа дейін Уикимедиа қозғалысына қандай әсер еттіңіз және болашақта қандай үлес қосқыңыз келеді?
Бұл Чилидің Сантьяго қаласында өтетін Wikimania 2027 конференциясына стипендия алу өтініміндегі сұрақтардың бір бөлігі ғана. Өтінім қабылдау пішіні іске қосылды және 2026 жылдың 31 қазанына (күннің соңына) дейін ашық болады. Өтінімдерді кез келген тілде жіберуге болады, дегенмен биылғы іс-шараның үш ресми тілі — Испан, Португал және Ағылшын тілдеріне басымдық беріледі.
Неге өтінім беру керек?
Wikimania 2027 стипендиялары Сантьягоға өту жолақысын, қонақүйге орналасуды және 18–21 тамыз аралығында өтетін конференцияға тіркелуді қамтиды.
Стипендия алған қатысушылар конференция сессиялары мен іс-шараларына қатысумен қатар, шара барысында кемінде 4-тен 6 сағатқа дейін ерікті болып жұмыс істейді деп күтіледі. Жыл сайын Wikimania стипендиаттары әлемнің түкпір-түкпірінен келген басқа стипендиаттармен байланыс орнатып, достасады. Сонымен қатар, олар стипендиат ретінде ерікті болу үлкен ұжымдық сезім сыйлағанын атап өтеді.
Әрі қарай не болады?
Егер қызығушылық танытсаңыз, Wikimania сайтындағы стипендиялар бөлімінен толық ақпаратты, соның ішінде жиі қойылатын сұрақтарды қарап шығыңыз. Сонымен қатар, 2026 жылдың 5 қазанынан басталатын аптада өтінім берушілерге арналған “Сантьягоға жол” бағдарлау сессиялары испан, португал және ағылшын тілдерінде өткізіледі.
Өтініміңізді дайындау барысында өзіңіздің жеке тұлға ретіндегі ерекшелігіңіз туралы мұқият ойланып, жасаған жұмыстарыңыздан нақты мысалдар бөлісуге кеңес береміз. Біз шынайылықты, жанашырлықты, әуесқойлықты және басқалармен жұмыс істей білу қабілетін жоғары бағалаймыз. Сонымен қатар, “біз қалайтын интернет” туралы идеяларыңызды және оны қалай жүзеге асыра алатынымыз туралы көзқарасыңызды естуге өте қызығушылық танытамыз.
Іріктеу талаптары өтінімде көрсетілген жауаптар мен нақты дәлелдерге негізделеді. Жұмыстарыңызға сілтемелерді қосуды ұмытпаңыздар! Сонымен қатар, біз Wikimania тәжірибесі кандидаттардың болашақта қозғалысқа қосатын үлесін қалай арттыратынын да ескереміз.
Барлық стипендиялық өтінімдер 2026 жылдың 31 қазанында күннің соңына дейін тапсырылуы тиіс. Өтінімдері қабылданған қатысушыларға хабарламалар 2027 жылдың қаңтарынан бастап жіберіледі. Біздің мақсатымыз — виза қажет ететін қатысушылардың іс-шараларды мүмкіндігінше ертерек ұйымдастыруға кірісуі үшін стипендиаттарға конференциядан әлдеқайда бұрын хабарлау.
Қатысудың басқа жолдары
Wikimania стипендиялық тобы әдетте мыңдаған өтінім алады және әрбір үмітті кандидатты қаржыландыруға мүмкіндігі жете бермейді. Өтінімі қабылданбаған қатысушыларға стипендия ұсынуы мүмкін жергілікті немесе аймақтық филиалдарға хабарласуға кеңес береміз.
Өз қаражаты есебінен қатысатын Wikimania 2027 қатысушыларына арналған шақыру хатын сұратудың жалпы процесі 2027 жылдың сәуір айында ашылады. Барлық жеке қатысушылар, соның ішінде Wikimania стипендиясына өтінім берушілер, шақыру хатын алмас бұрын сенімділік пен қауіпсіздік тексеруінен өтеді.
Соңында, онлайн қатысушыларды тіркеу Wikimania 2027 басталғанға дейін 24 сағат бұрын аяқталады. Кейбір сессиялар трансляцияланбаса да, біз жыл сайын онлайн қатысу тәжірибесін жақсарту үстіндеміз.
Сантьяго бүгінгі жаһандық қозғалысты атап өтетін, сонымен бірге үмітке толы, әділ әрі баршаға ортақ болашақты елестетуге батыл қадам жасайтын конференция үшін Оңтүстік Америкалық бірегей орта сыйлауды мақсат етеді. Соңғы жаңалықтарды өткізіп алмау үшін Wikimania уикиін бақылап отырыңыздар!
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation