Ontok 24 Gomot 2025, nakalantoi o Kalab Wiki Kent do popoindalan o Abaabayan WikiGap Tuaran 2025 id IPGM Kampus Kent, di kotimpuun mantad jaam 8.00 kosuabon gisom 4.00 sodopon miampai ponguhupan mantad Embassy of Sweden om Wikimedia Community User Group Malaysia. Tudu nopo kopoindalanan ababayan diti nga montok popoinsomok gaang kotulunan id suang Wikipedia miampai momoruhang lobi ogumu atikol kokomoi lundu koonduan om popoinggumu nogi o ponuatan atikol id boros Kadazandusun.
Aasil om Bagas Abaabayan
Solinaid kopoindalanan abaabayan diti, nokointutun o mokiikinobos kumaa kaida mongidit om ponuatan atikol maya platform Wikipedia. Maya abaabayan diti, soginumu 131 atikol kokomoi lundu koonduan nowonsoi id boros Kadazandusun (dtp) om nogi boros Melayu (ms). Ginumu do atikol dilo panakatanda goos om kalantayan di tosonong mantad toinsanan di nokohompit montok mamagampot tudu abaabayan diti.
Lansanon do Abaabayan
Alansan daa do mantad koindalanon do abaabayan diti koingkawas o taang koilaan mokiikinobos kokomoi kapansalan do ponginsamakan pisuayan kotulunan id suang platform digital miagal ko Wikipedia. Alansan nogi daa do loobi ogumu o atikol kikualiti kokomoi lundu koonduan om tiningkusan koubasanan id suang boros Kadazandusun di tilombusan di poosilon id timpu tobontol.
Kalantayan abaabayan diti nopo nga aasil mantad sokodung om ponguhupan mantad toinsanan komuniti Wikipedia loolobi po ponguhupan mantad Embassy of Sweden om Wikimedia Community User Group Malaysia (WCUGM). Alansan do lobi ogumu pisompuruan miagal diti poindalanon id timpu dumontol montok popoinggumu po kawagu atikol kokomoi lundu koonduan id Wikipedia.
Iloo’ lobi ogumu: Kelab Wikimedia Kent, WikiGap Tuaran 2025.
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation