Wikimania Kosilahon Afrika – 2025 id Nairobi, Kenya

Tinimungan Monguungulud Apangkal (COT) montok 2025 miampai kounsikahan popoilo do Wikimania ko-20 nopo nga pohoroon id Nairobi, Kenya.

Manahak o Nairobi iso piomungan do moden om nogi koubasanan di kohiok. Haro kosiwatan montok safari di kohiok, miampai Taman Pogun Nairobi, poinladsong id kakadayan dii, popotounda iso koinganan safari kakadayan di ogingo. Wotik koubasanan di osima’ mantad kakadayan diti ouyad id muzium om kinoyonon kisajara’ dau, miagal do Muzium Pogun Nairobi om Muzium Karen Blixen. Nansakan di osima’, mantad tomu di atangkangau gisom kadai taakanon gourmet kumaa do taakanon tindalanan di opoto, au olihuan hospitaliti Kenya di osonong kopio om koposion totuong Nairobi di nointutunan.

Ontok Manom 2023, minamawara o Puruan Popoindalan Wikimania do iso model pisokodungan sompogunan i wagu om pinoilang nogi do kinoyonon nopo Wikimania 2025 nga pohoroon id Kosilahon Afrika, suhutonon do Paris ontok 2026.

Tinimungan Monguungulud Apangkal 2025 i popohompit surupu mantad kinoyonon Kosilahon Afrika, i tuminimung id suang Hab Tematik om Rantau Kosilahon Afrika (EARTHub), misokodung montok poposiliu Wikimania kumoinsan id Kosilahon Afrika sabaagi koinganan di au milo olihuan. Pohoroon o iso kapatahakan rasmi mantad COT 2024 antakan Wikimania id Katowice, Poland.

Pinouhan o kotombuluyan kumaa id Nairobi

Minamatos o Nairobi do iso kapamanahan di au milo olihuan hinonggo pamanahan, koubasanan, om kulung posorili misompuru.

Nairobi nopo nga iso hab padsakayan apangkal montok wawayaan sompogunan om sompomogunan. Wagu nogi noinwoguan o impohon visa Kenya, poposiliu pogun dii sabaagi pogun aiso visa montok diolo i sumuang sabaagi tutumombului. Mamaampayat nuru do monuang foom Kasagaan Kotombuluyan Elektronik 72 jaam pogulu tumombului id Nairobi. Osiliu o Wikimania 2025 do panangbarasan hibrid, popotounda kotindapaan maya om nogi fizikal. Minggaras o COT do misokodung montok rumomut miampai do kotinanan porinta’, tambalut pisokodungan, om institusi pogun moi do oinsanan Wikimediawan, kaampai no komuniti LGBTQI+ haro iso koinganan di otingolig om au milo olihuan id Nairobi.

Wikimania nopo nga ababayan perdana do gura dati montok mogisokodung, mogibooboros, om monupu tua’ pomusarahan. Ii nopo nga iso kinoyonon sanganu do oinsanan tulun, hinonggo tikid tulun, maya toi ko’ fizikal, milo mamarayou toilaan osinggawa om mononokodung di minonguhup do koindalan o projek Wikimedia. Edisi diti ponokotanda’ do iso kinogompoton toponsol hinonggo manaandak tokou 20 toun kopoonjulan do Wikimania.

Daamot do mindalan tokou kumaa Magus 2025, moboros yahai ‘‘karibuni kumaa Kenya di Osundu’’.