Mama Daisy Wenden imat jamuqanakapa: Wuliwya sarnaqäw uñt’añatakiwa, jichhax Wikimedia Commons ukankxarakiwa

2024 marax, qasäwi phaxsïkipanx, Wuliwya uñt’at warminakxat qillqatanak uñakipt’kasax mama Daysi Wendxat Wikipiryan jan yatiyäwinak utjatap amuyawiyapxtha, jupa mamax Wuliwyanx taqit uñt’at isinak lurañ amuyt’irinak taypinkarakiwa. Mä kullkakaw jupxat qillqt’awiyi, ukatx mama Wenden wila masinakapampiw mä jamuq uka jichhak qillqt’at yatiyäw k’achacht’añatak churapxañapatak aruskipt’awiyaptha.  Niyak kunatakis ukham mayipxtha ukxat wila masinakapar arxayt’atatx, walpin kusist’awiyapxtha, janiw jupa isi lurañ amuyt’ir uñt’at maman jamuqap llikar apkatañatakik jawillt’xapxituti, jichha marax jupax 95 mara phuqhawiyxi, jan ukax walja jamuqanak llikar apkatañ mayiwiyapxitu, janiw mama Daisy Wenden luratanakapxatakxa jan ukax nayrïr patak mara chikjatatx kunjamas Wuliwyax apnaqasiwiyi, saräwinakas kunjamänsa uka jamuqanak kunaw utjaraki.

Ukhamatw nayraqatx ajllirt’awiyapxtha, niya 80 jamuqanakaw mama Wenden imat jamuqanakap taypitx ajllirt’awiyata, uka jamuqanakampiw jupa isi amuyt’ir maman qillqatap k’achacht’awiyata ukhamarakiw yaqha Wuliwxat qillqt’atanakas k’achacht’ataraki, juk’ampis marka jamuqanakax marka apnaqirinakxata, Wuliwya saräwinakan uñstapki uka jaqinakxata, Wuliwyan qarwa kasta uywanakan t’arwapamp sawutanakxata, kunjams aka markanx akham lurasax qullqichäwix ch’amachawiyata jan ukax ch’amachatakïski ukxata, yamakis mama Daysy Wendew allpach t’arwx anqa markanakanx yaqhanakamp chikx nayraqat uñt’ayawiyi. Wuliwyan Wikimedia apnaqirinakan akham utjäwinakatpach jamuqanak uñt’ayañatak irnaqapxatapatw jichhax Wikimedia Commons ukanx mä jamuq q’ipix mama Daisy Wenden churat taqi jamuqanakapamp, wila masinakapan churat jamuqanakamp utt’ayawiyata, uka uñjapxañamatakiw jawillt’apxaraksma.

Jichhax llikar imawiyatäki uka jamuqanakatx mä qawqh uñjarakiñäni, taqinin uñjapxañapatak iyawsatäki ukanaka, uma jamuqanakax Wikimedia wakichäwinakanx Wuliwya sarnaqäwxat uñt’ayañatakix wali wakiskiriwa. Mama Daisy Wenden imat jamuqanakapx juk’amp llikar imañ munasipktha ukhamarakiw yaqha utanakan imat jamuqanaksa, khithinakatï Wikimedian uñt’ayañ munapki, Wuliwyan jan jark’antasis yatiyañatak khust’at imat jamuqanakap uñt’ayaña munapki ukanaka.