Növbəti Vikimedia Hakaton tədbirimiz 2-4 may 2025-ci il tarixlərində Türkiyənin İstanbul şəhərində keçiriləcək və Vikimedia Fondu tərəfindən yerli Vikimedia təşkilatı olan Vikimedia İstifadəçi Qrupu Türkiyə (WMTR) ilə birgə təşkil olunacaq.
Vikimedia Hakatonu, texniki müzakirələr aparmaq, mövcud layihələrə dəyişikliklər etmək və başqaları üçün yeni ideyaları araşdırmaq üçün qlobal texniki ictimaiyyəti bir araya gətirən illik tədbirdir.
Dünyanın müxtəlif yerlərindən olan proqramçılar Vikipediya və digər Vikimedia layihələrini, xüsusən də onların əsaslandığı MediaWiki platformasını və digər Vikimedia kodunu inkişaf etdirmək üçün texnoloji infrastrukturu və proqram təminatını təkmilləşdirmək üçün birlikdə işləyəcəklər. Hakatonlar sizin Vikimedia texniki icması ilə görüşmək, Vikipediya və minlərlə digər MediaWiki əsaslı veb-saytların əsası olan texnologiya və layihələr haqqında öyrənmək və tədbir zamanı təkmilləşdirmək üçün demo-layihə təklif etmək və ya ona qoşulmaq imkanınızdır.
Vikimedia Hakatonun bu ilki tədbiri Vikimedia layihələrinin müxtəlif texniki aspektlərinə əvvəlcədən töhfə vermiş, texniki ekosistemimizdə necə yol tapmağı bilən və layihələrdə kifayət qədər müstəqil şəkildə işləməyi və ya əməkdaşlıq etməyi bacaran insanları bir araya gətirməyə yönələcək.
Bütün iştirakçılar İstanbulda pulsuz, fiziki tədbirdə iştirak etmək üçün qeydiyyatdan keçməlidirlər. Qeydiyyat portalı məkanın tutumu çatana qədər (və ya 2025-ci ilin aprel ayının ortalarına qədər) açıq olacaq. Əgər hakatonda iştirak etmək üçün təqaüdə müraciət etmək istəyirsinizsə, nəzərə alınmaq üçün 10 dekabr 2024-cü il tarixinə qədər qeydiyyatdan keçməlisiniz. Bütün digər iştirakçıların səyahət planını və qalacağı yeri özləri həll etmələri gözlənilir.
Qeydiyyat portalına keçid və necə töhfə verə biləcəyiniz barədə ətraflı məlumat əldə etmək üçün 2025 Hackathon saytımıza daxil olun. Noutbukunuzu, ideyalarınızı və töhfə vermək və əməkdaşlıq etmək üçün enerjinizi gətirdiyinizə əmin olun – biz söz veririk ki, bu, əyləncəli atmosferi və cəlbedici məkanı olan əla bir tədbir olacaq!
Hakatonda fiziki olaraq iştirak edə bilməyənlər proqramın bəzi məzmununu onlayn izləyə biləcəklər – uzaqdan necə iştirak etmək barədə tədbirə yaxın vaxtlarda ətraflı məlumat veriləcək. Fiziki olaraq iştirak edə bilməyəcəksinizsə, qeydiyyatdan keçməyə ehtiyac yoxdur. Tədbirdə başqaları ilə əlaqə yaratmaq istəyirsinizsə, məlumatlarınızı istəyə bağlı İştirakçılar Siyahımıza əlavə edə bilərsiniz.
Qeydiyyat forması və ya təqaüd müraciəti ilə bağlı hər hansı sualınız və ya probleminiz olarsa, müzakirə səhifəsi və ya hackathon@wikimedia.org e-poçt ünvanı vasitəsilə təşkilat komandası ilə əlaqə saxlamaqdan çəkinməyin. Biz sizə hər addımda dəstək olmaq üçün buradayıq!
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation