WikiKaamatan: 1500+ Gambal Kaamatan i pinaatod do Kalab Wiki Kent kumaa id Wikimedia Commons

by , Popoingkawas koubasanan om boros Kadazandusun kumaa platform sompomogunan.and
Translate this post

Toinsanan ii nagampot nopo diti nga osonong tomod nung piiradon miampai ginumu di natantu mantad. ii nopo nga 500 no fail do gambal.

Blusjai, CC BY-SA 4.0 via Wikimedia Commons

Ontok kapanaandakan Lamai Kaamatan Nayatan Pogun di ontok 30 – 31 Mikat 2024 ii pinoindalan id Diwan Kadazan Dusun Cultural Association (KDCA), Penampang, pinoindalan o Projek WikiKaamatan mantad do Kelab Wiki Kent ii napalan no mantad di Milau 2023. Projek nopo diti nga kohompit do tolu projek Wikimedia, ii nopo nga Wikipedia Bahasa Kadazandusun, Wikimedia Commons om nogi Wikikamus (Inggeris, Malayu).

Kelab Wiki Kent ontok kopoindalanan Projek, Blusjai, CC0, via Wikimedia Commons

Montok projek Wikimedia Commons, pinokianu o toinsanan puru Kelab Wiki Kent montok maganu gambal id posorili kokomoi koubasanan do Kadazandusun i kohompit do aspek miagal ko; rasuk, sayau, kakamot tuunion, kakamot, taakanon om nogi koinusan.

Gambal kakamot tuunion, Jjurieee, CC BY-SA 4.0, via Wikimedia Commons

Nokito o toinsanan aspek dii, id posorili do Diwan KDCA om id suang nogi. Tiyonon om abaabayan id labus diwan nopo nga nosiliu do tarad gulu miagal ko booth kopokitanan, kokompungan koubasanan do koisaan (Koisaan Cultural Village, KVC), kopokitanan rasuk miampai no do kakamot tuunion tumanud do sub-etnik id suang booyungan Dusunik mantad no do susuangon om kapamanahon sumuang montok tetamu kehormat. Id suang diwan nopo dii nga lobi pointarad kumaa kopoindalanan abaabayan kapanaandakan Kaamatan, miagal ko kopokitanan sayau koubasanan, kopokitanan Unduk Ngadau om ogumu po suai.

Data ontok do 1 Mahas 2024 Blusjai, CC BY-SA 4.0 dari Wikimedia Commons

Kaagu, id tohuri no kopoindalanan projek diti, nakaanu o Kelab Wiki Kent do papaatod lobi do 1500 fail gambal id Wikimedia Commons. Nagampot nopo diti nga osonong tomod nung piiradon mantad di ginumu i natantu mantad ii nopo nga 500 no fail gambal.

Blusjai, CC BY-SA 4.0 mantad Wikimedia Commons

Id pomolingkuman, goos diti kaanu manakadai kumaa koingumuan gambal-gambal koubasanan tinaru Kadazandusun id liwang Wikimedia Commons, om kotilombus no milo silihon do kakamot i kosudong montok nunu nopo ponuatan artikel kokomoi koubasanan id suang liwang Wikipedia do suai.

Okon nopo ko yati, isai po?

slogan Kelab Wiki Kent

Ilo’o lobi gumu:

Can you help us translate this article?

In order for this article to reach as many people as possible we would like your help. Can you translate this article to get the message out?