Fotokategoriaj gajnintoj de la konkurso Wikivacaciones Colombia

La jaro alproksimiĝis al la fino, kaj multaj personoj ekvojaĝis —kelkaj reen kun siaj familioj por kundividi Kristnaskon kaj festi Silvestron, aliaj por pasigi la tempon en rilaksaj plaĝoj, naturaj medioj aŭ novaj lokoj malkovrindaj. Sed ĉiuj ĉi vojaĝantoj havas ion komunan: ferioj. Pensante pri tio, Vikimediistoj el Kolombio organizis konkurson, Wikivacaciones (Vikiferioj’) por permesi al personoj konigi iliajn spertojn dum decembro 2015 kaj januaro 2016.

Oni povis partopreni laŭ du kategorioj: alŝutante fotojn al Vikimedia Komunejo (laŭ simila maniero kiel en aliaj fotokonkursoj kiaj Vikio Amas Monumentojn) aŭ verkante recenzojn en Wikiviajes (hispanlingva Vikivojaĝo) de la 1-a de decembro 2015 ĝis la 31-a de januaro 2016. Ĉiu kategorio havis tri gajnintojn, elektitaj de juĝistaro. Krome la alŝutitaj fotoj kadre de la konkurso povis esti nomumitaj por la Premio de la Publiko dum februaro — la plej ŝatata foto sur la Facebook-a paĝo de Vikimediistoj de Kolombio gajnus.

La celo esti ne limigi la konkurson al monumentoj, preĝejoj, ktp, sed esti pli flekseblaj kaj tiele faciligi la partoprenadon en la konkurso. Oni povis partopreni ĉirkaŭ ĝenerala ideo: turismaj atrakcioj, ĉu pladoj, ĉu pejzaĝoj, ĉu ejoj, ĉu kostumoj, ktp. Se vi estis ferianta kaj trovis interezaĵon, povis ĝin foti kaj alŝuti la bildon al Vikimedia Komunejo aŭ skribi pri ĝi, kreante novan artikolon aŭ redaktante alian jam ekzistintan, kaj gajni premiojn.

Fine, 175 personoj kundividis 4 311 fotojn el 305 malsamaj lokoj. Ĉiuj ĉi dosieroj estis liveritaj laŭ libera permesilo CC BY-SA 4.0, kaj nun disponeblas por ĉies uzo.

Rigardu la bildojn ĉisube kaj diru al ni vian plej ŝatatan en la komentaroj.