Ndepụta Atụmatụ Afọ nke Wikimedia Foundation na Arịrịọ maka Ntunye 

Na emailu m zipuru ọhụrụ na ngwụcha Febụwarị, a kọwapụtaram isiokwu sitere na atụmatụ akpọrọ Talking: 2024 nke ndị ndu , ndị ọrụ, na ndị ntụkwasị obi nke Foundation gwara ọtụtụ n’ime unu okwu na mkparịtaụka e bu n’obi ịchịkọba usoro nhazi anyị. Na mbido taa, Wikimedia Foundation bipụtara atụmatụ Kwa Afọ maka afọ mmefu ego afọ 2024-2025 na-abịa.

Atụmatụ Kwa Afọ nke afọ a na-abịa n’oge n’ejighị n’aka, oge mgbanwe na oge mgbagwoju anya maka ụwa na maka njem Wikimedia. gburugburu ụwa,ọrụ nke ozi atụkwasara obi na intanentị dị mbawanye dị mkpa ma nwee ihe ịma aka n’ihu karịa ka ọ dị na mbụ. Ụlọ ọrụ na nhiwe ịntanetị ga-enwerịrị mmegharị nke ọrụ ịntanetị nke ga-enye ohere nnabata nkesa na mpa na mpa . Ụzọ ọhụrụ nke iji chọta ozi, nke gụnyere ọchụchọ dabeere na nkata, na-enweta nkwado. Ịdị mfe nke ịmepụta ọdịnaya sitere na igwe AI na-enye oghere ọrụ nakwazị n’enwe ịma aka n’ihu nye ọrụ Wikimedia dị ka usoro ihe ọmụma teknụzụ mmadụ na eme, yana maka ọnọdụ nnweta ego Wikimedia.

Ihe ole na ole a chọpụtara banyere ndepụta atụmatụ kwa afọ nke afọ a:

  • Atụmatụ 2030: Dị Ka anyị na-eche ihu n’ihe ndị a, atụmatụ Foundation nke afọ na nke ọtụtụ afọ na-aga n’ihu na ntụzịaka Strategic Directịon nke 2030. Mgbanwe ndị dị n’ụwa gbara anyị gburugburu na-eme ka ntụziaka a dịkwuo mkpa karịa ka ọ dibu. ọkpụkpọ Oku nke ịghọ akụrụngwa dị mkpa nke gburugburu ebe ihe ọmụma n’efu abụghị naanị nkwupụta mkpali – ọ bụ ihe mgbakwasa ụkwụ iji nyochaa nkwudosike nke ọrụ anyị na òtù dị iche iche nye nzaghachi na mgbanwe anyị n’ahụ gburugburu anyị.
  • Atụmatụ ọtụtụ afọ gafee nke ọtụtụ ọgbọ: Ma anyị ga na-eme atụmatụ n’aga n’ihu n’ihu. Ile anya n’ofe 2030 dị mkpa nye ebumnuche anyị, nke chọrọ ka Foundation nyere aka “ime ma debe ozi bara uru… ka ọ dị na ịntanetị n’efu, nakwa ebighị ebi .” Mgbanwe site na ihe nchọta dabeere na njikọ – nke jerela ọrụ anyị na ụdị ego anyị ozi ruo n’oge a – gafee na nchọta nke dabeere na nkata nke bụ n’oge mbụ ya mana onwere ike ọ bịara ọnụnọ. Anyị kwenyere na nke a bụ akụkụ nke mgbanwe ọgbọ otú ndị mmadụ si emepụta ma na-ejikwa ozi n’ịntanetị eme ihe. Ihe a na-apụta bụ ihe mgbagwoju anya: Ọrụ Wikimedia na-aghọ nke dị mkpa karịa maka akụrụngwa ihe ọmụma nke ịntanetị ebe n’otu oge ahụ ọ na-aghọ  ihe adịghị ahụ anya nye ndị oji ịntanetị eme ihe . Iji hụ na ọganihu nke ọrụ Wikimedia na-aga n’ihu, anyị ga-atụle ụzọ dị iche iche nke ọgbọ n’akụkụ ndị dị mkpa nke atụmatụ ọdịnihu.
  • .Ihe ndị n’ewu ewu: Dị ka anyị mere n’afọ gara aga, Foundation malitere ime atụmatụ site n’ịjụ, “Gịnị ka ụwa chọrọ n’aka anyị na ọrụ Wikimedia ugbu a?” Anyị mere nyocha n’ime usoro mgbanwe ndị dị na mpụga nke na-emetụta ọrụ anyị, gụnyere itinyekwu uche na ozi, nke nwere oke; nke na-abawanyekwa ọnụnọ nke mkpali, ego na ihe ndị ọzọ, iji dọta ndị na-enye aka na ụfọdụ nhiwe; iyi egwu iwu na usoro iwu, tinyere ụkpụrụ ikpo okwu nwere ike imegide anyị na ndị na-nnyere aka anyị, yana ohere iji kwalite ọdịmma ọha na eze nke ọma; na okwu nke eziokwu ọdịnaya na mmetụta AI na gburugburu ebe nzisa ozi.
  • .Nkwado teknụzụ: Atụmatụ afọ a ka na-elekwasịkwa anya na isi mkpa teknụzụ, n’ịhụta Foundation dị ka ụlọ ọrụ nkwado nye ndị ọrụ afọ ofufo na ndị ọgụụ gburugburu ụwa. Ngalaba Ngwaahịa na Teknụzụ nke Foundation kesara ebumnobi ha n’ọnwa gara aga tupu atụmatụ zuru ezu adị , iji gosi otú ihe ndị ha na-ebute ụzọ maka afọ na-abịanụ si etolite ma kpokwa oku nzaghachi na ajụjụ. N’ọkwa dị elu, ọrụ anyị nke afọ na-abịanụ na-elekwasị anya n’ịkwalite ahụmịhe onye ọrụ na ọrụ Wikimedia, na-enye nlekọta na-aga n’ihu dị mkpa iji kwado ebe nrụọrụ weebụ so n’ogo nke iri mbụ zuru ụwa ọnụ nakwa itinye ego n’ọrụ na-elekwasị anya n’ọdịnihu iji zaghachiwuo ịntanetị na-agbanwe agbanwe.
  • Ebumnuche a na-emegharị, ọrụ mmegharị: Ebumnuche anọ dị oke mkpa nke atụmatụ afọ a na-anọgide na-adaba na nke afọ gara aga ( Akụrụngwa, Ịha nhatanha, Nchekwa na Nguzosike n’ezi ihe, na Irụ ma ọrụ), ebe ọrụ na ihe ndị a na-enweta n’ime ebumnuche ọ bụla ka ana-emegharị site na ọganihu akọwapụtara n’afọ anọ. Na njịkọ, ebumnuche anọ ahụ bụ ụkpụrụ iji melite nkà na ụzụ na-eme ka ọrụ Wikimedia nwee ike, kwado ma mee ka ngalaba otu anyị zuru ụwa ọnụ, chebe ụkpụrụ anyị, ma mee ya nke ọma n’ime afọ na-abịa.
  • Ego na mmefu ego: Atụmatụ a gụnyekwara nkọwa gbasara ego Foundation na usoro mmefu ego anyị. Atụmatụ mmefu ego nke Foundation na-egosipụta ahịa na-aga n’ihu, ka anyị na-ahụ mbeleta ogo uto nnweta ego ọhụrụ. Iji nabata mbanwe ọhụrụ a, Foundation ejirila nwayọọ n’ebelata ogo uto n’ime afọ abụọ gara aga ma mee mbelata ndị ọrụ na mmefu ego n’afọ gara aga. Kemgbe 2022, ego onyinye ọrụ ndị otu dịgasị na njem a agafeela ọnụego uto Foundation, nke ka bụ nsogbu nye atụmatụ afọ a.

.N’ikpeazụ, atumatu a na-abịarute n’oge mkparịtaụka ngalaba otu gbasara Movement Charter , nke ga-egafe usoro ntuliaka ngalaba otu na June 2024. Na nkwekọ na ụkpụrụ nke Subsidarity na efficiency, Wikimedia Foundation. nọgidere na-agba mbọ ikesa na ibufe ọrụ ndị otu Wikimedia ndị ọzọ kwadoro inwe nke ọma .

Foundation eritela uru site na mmekọrịta ha na ndị otu Movement Charter Drafing Committee (MCDC), yana mkparịtaụka ha na ọtụtụ ndị nsonye n’isi n’ụwa niile iji chịkọba mmetụta ya na ibu ọrụ n’ọdịnihu. Ndị Board of Trustees na ndị isi tụlekwara ọnọdụ dị iche iche, tinyere ha na MCDC, iji nyochaa nkwadobe nke Foundation ime mgbanwe na ọnọdụ dị ugbu a – nakwa n’adabereghị na mpụtaara nkwenye ahụ. Anyị na-akwado ọrụ ndị a ugbu a ka anyị na ndị ọrụ afọ ofufo na-ahụ maka ya ka mgbanwe kwudosirike na-ewe oge, nakwa ime ya nke ọma, mgbanwe nhazi kwesịrị ịmalite site n’mgbagha akpachapụrụ anya :

  • .Nsonye nke nkesa ngwa ọrụ : N’afọ 2020, anyị mepụtara Kọmitii Ego mpaghara iji nye Foundation ndụmọdụ gbasara oke akụrụngwa mpaghara wee mee mkpebi ego gbasara enyemaka ndị ngalaba. N’afọ a, anyị ga-arịọ kọmitii ka ha na Foundation na-arụkọ ọrụ inye ndụmọdụ na nkesa mpaghara, na-eme ka anyị sonye na nkesa ego ọrụ ma hụ na ịha nhatanha dị ukwuu n’ime mkpebi.
  • .Kansụl ndụmọdụ nke ngwaahịa na teknụzụ amalitere: Echiche a kwadoro Kọmitii Ngwaahịa na Nkà na ụzụ Wikimedia Foundation ma na-agbaso Usoro atụmatụ Technology Council. N’afọ a, anyị ga-anwale nhiwe iji nyochaa ma nye ndụmọdụ nye ọrụ ngwaahịa na teknụzụ Wikimedia Foundation.
  • Ntuziaka Atụmatụ Affiliate Emelitere: N’afọ gara aga, Board of Trustee Liasons nke Wikimedia Foundation na Kọmitii Mmekọrịta, ndị mmekọ, na ndị ọrụ Foundation rụkọrọ ọrụ iji kwalite Wikimedia Foundation Affiliate Strategy. N’afọ a, anyị ga-ebuga mmụta ahụ wee zaa ajụjụ ụfọdụ dị mkpa site na usoro ahụ.

Akụkọ ogologo oge nke Atụmatụ Afọ bụ okwu dị Puku iri abụọ na atọ iji hụ na ọ nwere ike ije ozi dị ka nkọwa zuru oke yana isi ihe maka ngosi ndị ọzọ na nchịkọta dị mkpirikpi. Anyị na-akpọ oku ntunye gị na ajụjụ n’ime izu ndị na-abịanụ n’ụdị ọ bụla ị chọrọ: na wiki nakwa na Meta, project Village Pump, na site na isonye na oku ngalaba otu mebeere nke dị iche iche a na-akwado na ngalaba otu dịgasị na n’ụwa niile.

Daalụnụ,

Maryana

Maryana Iskander

Wikimedia Foundation CEO