Konferènsi Wikisource 2025: Kesempatanmu dinggo ngirimaké proposal Program isih dibukak!

Kanggo nyedhiyakaké program sing paling apik ing Konfèrensi Wikisource 2025, wates dinggo ngirimaké program wis resmi didawakaké tekan 30 September 2024. Wates sing wis didawakaké iki muga-muga bisa mènèhi wektu kanggo para naralila Wikisource mikiraké manèh gagasan-gagasan sing anyar lan bisa digarap kanthi gotong-royong sing wis dientèn-entèni dening awake dhéwé kabèh.

Konfèrensi Wikisource 2025 kepungkur dianakaké taun 2015 ing Wina, Austria. Ing wektu kuwi, akeh kedadeyan sing kelakon lan sansaya ngrembaka ing antarané para naralila Wikisource. Aku lan Panjenengan mesthi ngarepaké manèh ananing patemon sing gupyuk kanggo ngrembug babagan cara-cara sing kudu dienggo supaya Wikisource sansaya tuwuh lan ngrembaka. Awaké dhéwé bisa nggunakaké patemon iki dinggo jajahi maneka warna kemajuan digitalisasi lan nyoroti cara sing paling becik ditrepaké ing proyek gotong-royong.

Kena Apa Didawakaké?

Aku lan kanca-kanca ngenteni gagasan-gagasan sing luwih adrèng dinggo nggolèki cara-cara sing migunani dinggo ngrembakaké Wikisource. Aja nganti gagasan Panjenengan ngabar nalika Panjenengan nyoba njlentrèhaké gagasan-gagasan iku ing konfèrensi sing dipundhi-pundhi iki kanggo pribadi-pribadi sing ngupaya nyedhiyakaké dalan mlebu kanggo ngrambah kawruh tanpa beya. Dhaptara! Aku lan kanca-kanca ngajak Panjenengan mlebu lan melu nuwuhaké Wikisource.

Apa sing Digolèki?

Rembug konfèrensi Wikisource 2025 bakal migatekaké cara-cara ngapikaké proses gotong-royong ing babagan gawé arsip digital lan nggampangaké wong-wong ngrambah samubarang katrangan sing katulis (Wikisource: Ndadekaké Wangun & Nglestarekaké Warisan sacara Digital). Aku lan kanca-kanca memuji bisa mbagekaké Panjenengan, para naralila kawak, lan mènèhi wektu dinggo nyritakaké pengalaman sing pèni ing konfèrensi mbesuk. Aku lan kanca-kanca uga memuji bisa mbagekaké naralila anyar lan mènèhi wektu dingo nyritakaké panemuné lan pengalamané nalika nyoba mbesut utawa nambah katrangan ing Wikisource. Kapredulen Panjenengan bisa nyengkuyung Wikisource tetep langgeng.

Sesi sing bisa dipilih lan diisèni kaya ta,

• Pamedharan cekak: juru wedhar nglantaraké wedharan tanpa ana pitakonan saka wong-wong sing ngrungokaké pamedharan. Wektu kanggo pamedharan cekak yaiku 5-10 menit.
• Memulang: juru wulang (siji utawa loro) njlentrèhaké sawernaning katrangan lan sabanjuré bakal mangsuli pitakonaning wong-wong sing ngrungokaké wewulangané iku. Wektu kanggo mulang (kalebu pitakonan lan wangsulan) yaiku 30-45 menit.
• Patemon: sakumpulan wong sing duwé kawigaten sing padha ngrembug maneka warna rembug sacara ora resmi. Wektu patemon ora ditemtokaké lan gumantung saka pilihan sing ngusulaké.
• Lokakarya: pranatacara (siji utawa loro) netepaké sawijining rembug sing sacara aktif dirembug bebarengan karo wong-wong sing melu lokakarya. Wektu kanggo lokakarya yaiku 60-120 menit.
• Rembugan klompok cilik: 3-4 wong (kalebu sing mimpin rembugan siji) ngrembug lan medharaké cara mikir sing beda babagan rembug tartamtu sajrone 45-60 menit.

Carané Ngirim Proposal

Carané gampang banget! Tekanana kaca Cara Ngirim Blanko Konfèrensi Wikisource 2025 kanggo nemokaké panuntun rinci babagan jinis kiriman sing dikarepaké panitiya lan cara nggawé cithakan proposal. Proposal sing dikirim kudu njlentrèhaké sawijining rembug kanthi cetha, sesambungané karo paguyuban Wikisource, lan cithakan pamedharan sing dipilih. Panitiya bakal ngabari Panjenengan yèn kiriman Panjenengan ketampa.

Aja Nganti Klewat – Dhaptara Saiki!

Kepiyé nasibé Wikisource mbesuk dumunung ing pundhaké para naralila sing ajeg amrih tuwuhé Wikisource iki. Mula saka iku, aku lan kanca-kanca memuji bisa ngrungokaké gagasan-gagasanmu lan mbagekaké Panjenengan kabèh ing konfèrensi sing mesthi mènèhi pengalaman sing ora bakal bisa kalalekaké iki. Yèn Panjenengan duwe pitakonan utawa butuh pitulungan babagan kiriman iki, nulisa pesen menyang panitiya ing kaca rembugan.