I te paunga o te tau 2020 i whakawhiwhia te tari o te Collection Information and Access o Tāmaki Paenga Hira ki tētahi pūtea i a Wikicite hei utu i tētahi tangata i raro i te kaupapa o Wikimedian in Residence ki te huaki i te pātaka mātauranga o te Whare Taonga, kua neke atu i te 150 tau e pupuri ana i roto i ngā putanga. Ka arotahtauranga me ngā puka rangahau. Ka arotahi tēnei mahi ki te hautaka mātauranga matua o Records of the Auckland Museum. I tīmata mai a User:Prosperosity, Marty Blayney, ki te Whare Taonga i te marama o Kohitātea 2021, otirā, koia tonu te Wikimedian in Residence whai-utu tuatahi o Aotearoa.
He kaupapa nui tēnei i raro i ā mātou mahi i te taha o Wikipedia. He ōrite ngā whāinga nui a Tāmaki Paenga Hira me Wikimedia Foundation e pā ana ki te whakahōrapatangata o te mātauranga, huri noa. Kua roa mātou e whai wāhi atu ana ki ngā kaupapa o Wikimedia. Neke atu i te 170,000 te nui o ā mātou whakaahua ki te pae o Commons, ā, ka whakatūria te Wikimedian in Residence tuatahi hei tauira mahi ki tō mātou whare taonga i te tau 2017. I tērā tau, ka whakatūria te Wiki Workplan i runga i ngā tohutohu o ngā ētita o te rohe nei, ā, e whakaū ana te kaupapa o Wikicite i ngā kaupapa whānui e toru nei: te whakapāpātanga atu ki te hapori, te whakapiki ake me te whakapai ake i te Wikipedia, te Wikimedia me te Wikidata, waihoki, ko te whakatuwhera ake i ngā hua o ngā rangahau a te Whare Taonga ki ngā kaitoro maha o Wikipedia huri noa i te ao.
Ka tutuki te kaupapa i te mutunga o Haratua 2021, ā, he koanga ngākau te kite atu i ngā hua. Ahakoa ngā here o te noho rāhui o COVID i te tīmatanga o te tau, ka whakatūria tonu ngā huinga tāngata e rua. I tū te hui tuatahi i te 1 o Haratua. Ko te tīmatanga tērā o ngā huihuinga ā-kanohi mō te mahi ētita, ki roto tonu i te whare pukapuka o te Whare Taonga (i tū ki te ipurangi i te wā o ngā rāhui). I te 21 o Haratua ka whakatūria e mātou tētahi papamahi mō ngā kaimahi a GLAM, e 22 rātou, mai i te rohe o Tāmaki Makaurau – hei reira ka whakatairangahia ngā pae o Wikimedia ki te rāngai whare taonga, ā, ka ākina hoki rātou ki te paku āwhina i ngā mahi ētita.
He nui anō ngā mahi ētita a Marty. Kua whakaurua ia kōrero nō roto i Records, mai i te tau 1930 ki ngā putanga o nāianei, ki roto i te Wikidata. E 49 ngā kōrero hou i waihangatia ki Wikipedia, ā, e 882 ngā tohutoro i tāpirihia atu ki ngā kōrero kei roto kē i taua puna – otirā, kua piki ake te kounga o ngā mōhiohio ki Wikipedia, ā, kua whānui ake te hora o ngā putanga o te Whare Taonga. He tauira ngā kaupapa pērā i ērā mō te motu o Pitcairn, mō Niue, mō ngā Toki, mō te Yellow-bellied sea snake me te tapa mō te whānui o ngā kohinga o te Whare Taonga nō Aotearoa me Te Moananui-a-Kiwa. Ko tētahi o ngā mea whakahirahira, ko te ekenga o tētahi o ngā kōrero mō te Sweet potato cultivation in Polynesia ki te taumata o ‘Good Article’.
Tae noa ki tēnei wā, kua eke te tatau o ngā tirohanga ki ēnei kōrero ki te 1.9 miriona, ā, ahakoa e whakaahua ana tēnei i te kaha o Wikicite me Wikipedia ki te whakapiki ake i te nui o te hunga e tiki ake ana i ngā rangahau a te Whare Taonga, arā atu anō ngā hua. I te mea he wāhi a Wikipedia o te kauwhata mātauranga o Google, kei ngā matimati o ngā kaitoro ipurangi o te ao ngā rangahau a te Whare Taonga – kei te takiwā o te 4.6 piriona tō rātou tokomaha.
Otirā, he nui tonu tō mātou harikoa i ngā putanga o tēnei kaupapa, me i kore ake anō i te tautoko o Wikicite. He kokenga nui ēnei i te makeretanga iho o ngā here ki runga i ngā rangahau a te Whare Taonga, e puare mai ai ngā kōrero ki te katoa. Nō te rārangitanga mai o ngā pukapuka ki Wikidata, kua tuwhera mai ngā kōrero ki ngā reo maha, ā, nā ngā whakawhitinga i waenga i te Wikipedia me te kauwhata mātauranga o Google kua tuwhera hoki ngā rangahau a te Whare Taonga ki ngā mano tāngata huri noa i te ao. Ka mahi tonu mātou i ēnei mahi i te taha o ētahi atu kaupapa a Wikimedia – ka kitea ēnei kaupapa ki te whārangi kaupapa o GLAM. Kei te koa hoki mātou, nā ngā hua o tēnei kaupapa kei te mahi tonu a User:Prosperity hei kaimahi wā-poto.
Ngā mihi nui ki a Liam Wyatt nō Wikicite i tana tautoko i tēnei kaupapa. Me mihi hoki i te Wikimedia Foundation i tō rātou kaha ki te tautoko tonu i te huhua o ngā kaupapa o GLAM Wiki.
Can you help us translate this article?
In order for this article to reach as many people as possible we would like your help. Can you translate this article to get the message out?
Start translation